ഇരുപതുവര്‍ഷത്തെ ഇടവേളയ്ക്കു ശേഷം തെലുങ്ക് സിനിമാലോകത്തേക്ക് തിരിച്ചെത്തുകയാണ് നടി രവീണ ടണ്ടൻ. ബ്രഹ്മാണ്ഡചിത്രം കെജിഎഫിന്റെ രണ്ടാം ഭാഗത്തിൽ ശക്തമായ കഥാപാത്രത്തെ അവതരിപ്പിച്ചുകൊണ്ടാണ് താരത്തിന്റെ തിരിച്ചുവരവ്. ഇന്ത്യന്‍ പ്രധാനമന്ത്രിയുടെ വേഷമാണ് ചിത്രത്തിൽ രവീണയെ തേടി എത്തിയിരിക്കുന്നത്.
"കെജിഎഫിന്റെ കഥ എന്നെ വല്ലാതെ ആകര്‍ഷിച്ചു. പ്രശാന്ത് വളരെ മനോഹരമായാണ് എനിക്ക് കഥ പറഞ്ഞുതന്നത്. ചിത്രത്തിന്റെ ആദ്യഭാഗം കാണുന്നതിനുമുന്‍പേ രണ്ടാംഭാഗത്തിന്റെ കഥ എന്നോട് പറഞ്ഞിരുന്നു", രവീണ പറഞ്ഞു.
രാമിക സെന്‍ എന്നാണ് രവീണയുടെ കഥാപാത്രത്തിന്റെ പേര്. ബോളിവുഡ് താരം സഞ്ജയ് ദത്ത് ചിത്രത്തിൽ വില്ലനായി എത്തുന്നു എന്നതും മറ്റൊരു പ്രത്യേകതയാണ്. ആദ്യഭാഗത്തിൽ മുഖംമൂടി അണിഞ്ഞ് പ്രത്യക്ഷപ്പെടുന്ന കൊടുംവില്ലനെയാണ് രണ്ടാം ഭാഗത്തിൽ സഞ്ജയ് അവതരിപ്പിക്കുക. അധീരയെന്നാണ് സഞ്ജയുടെ കഥാപാത്രത്തിന്റെ പേര്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
