സ്റ്റേജിലും ടിവി ഷോകളിലും എന്ന പോലെ സോഷ്യൽ മീഡിയയിലും തന്റെ നർമ്മം കൊണ്ട് കയ്യടി വാങ്ങുന്ന താരമാണ് രമേഷ് പിഷാരടി. പിഷാരടിയുടെ ഔദ്യോഗിക ഇൻസ്റ്റഗ്രാം പേജിൽ ഏറ്റവും ഒടുവിലായി പങ്കുവയ്ക്കപ്പെട്ട പോസ്റ്റാണ് ഇപ്പോൾ ചിരിപടർത്തിയിരിക്കുന്നത്. അയ്യപ്പനും കോശിയും സിനിമയിലൂടെ ഹിറ്റായി മാറിയ നഞ്ചിയമ്മയുടെ ഒരു ഡയലോഗ് കടമെടുത്താണ് ഇക്കുറി പിഷാരടി ആരാധകരെ ചിരിപ്പിച്ചിരിക്കുന്നത്.
പൃഥ്വിരാജ്: അമ്മയ്ക്ക് പൃഥ്വിരാജ് ആരാണെന്ന് അറിയുമോ,
നഞ്ചിയമ്മ: എനിക്കറിയില്ല,
പൃഥ്വിരാജ്: ബിജു മേനോന് ആരാണെന്ന് അറിയുമോ
നഞ്ചിയമ്മ: അറിയില്ലാ
പൃഥ്വിരാജ്: അമ്മ പാടിയ പാട്ട് ഏത് സിനിമയിലെയാണെന്ന് അറിയുമോ
നഞ്ചിയമ്മ: 'എന്റെ ആണോ'
ഇതായിരുന്നു ഏറെ വൈറലായ ആ വാക്കുകൾ. എന്നാൽ ഇതേ വാക്കുകൾ കടമെടുത്താണ് പിഷാരടി തന്റെ പുതിയ ഫോട്ടോയ്ക്ക് ക്യാപ്ഷൻ ഒരുക്കിയിരിക്കുന്നത്. പ്രായമായൊരു സ്ത്രീയോടൊപ്പം സംസാരിച്ചിരിക്കുന്ന ചിത്രമാണ് താരം പങ്കുവച്ചത്. ‘എനിക്ക് പൃഥ്വിരാജ് ആരാണെന്നും അറിയാം; ബിജു മേനോൻ ആരാണെന്നും അറിയാം. നീ ഏതാടാ’ , എന്നായിരുന്നു പിഷാരടിയുടെ ക്യാപ്ഷൻ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ