താരങ്ങളുടെ ക്രിസ്മസ്, പുതുവര്ഷ ആഘോഷ ചിത്രങ്ങളാണ് സോഷ്യൽ മീഡിയയിലാകെ. യാത്രചെയ്തും പ്രിയപ്പെട്ടവരുമായി സമയം ചിലവിട്ടുമെല്ലാമാണ് താരാഘോഷങ്ങളിലേറെയും. ഇപ്പോഴിതാ ഫഹദ്-നസ്രിയ ജോഡിയുടെ ക്രിസ്മസ്-പുതുവർഷ ആഘോഷങ്ങളാണ് സോഷ്യൽ മീഡിയയിൽ ശ്രദ്ധനേടുന്നത്.
ഫഹദിന്റെ അനിയൻ ഫര്ഹാന് ഫാസിലും നസ്രിയയുടെ അനിയൻ നവീനും മറ്റു ചില സുഹൃത്തുക്കളും ഇവർക്കൊപ്പമുണ്ടായിരുന്നു. നസ്റിയയുടെ വളർത്തുനായ ഓറിയോയും ഇവർക്കൊപ്പം യാത്രയിലുണ്ടായിരുന്നു. ഫർഹാനാണ് ആഘോഷ ചിത്രങ്ങൾ പങ്കുവച്ചത്. ഫഹദിനൊപ്പമുള്ള ചിത്രം നസ്രിയയും പങ്കുവച്ചിട്ടുണ്ട്.
2019ലെ അവസാന ചിത്രമെന്ന ക്യാപ്ഷനോടെ യാത്രയ്ക്കിടെ പകർത്തിയ നസ്രിയയുടെയും ഫഹദിന്റെയും ചിത്രമാണ് ഫർഹാൻ പങ്കുവച്ചത്. മൂവരും ഒന്നിച്ചുള്ളതായിരുന്നു ഫർഹാന്റെ പുതുവർഷത്തിലെ ആദ്യ ചിത്രം.
എല്ലാവരും ഒന്നിച്ചുള്ള ഫർഹാന്റെ ഏറ്റവും ഒടുവിലത്തെ ചിത്രത്തിന്റെ ക്യാപ്ഷനാണ് ഏറെ ശ്രദ്ധേയം. ഇനി ബോറടി ജീവിതത്തിലേക്ക് തിരിച്ചുപോകുന്നു എന്നാണ് ചിത്രത്തിന് നൽകിയിരിക്കുന്ന അടിക്കുറിപ്പ്. ഫാമിലി ലൈക്ക് ഫ്രണ്ട്സ് എന്നാണ് എല്ലാവരും ഒന്നിച്ചുള്ള ചിത്രത്തിന്റെ ഹാഷ്ടാഗ്.
അന്വര് റഷീദ് സംവിധാനം ചെയ്യുന്ന ട്രാന്സ് ആണ് റിലീസിനൊരുങ്ങുന്ന നസ്രിയയുടെയും ഫഹദിന്റെയും ഏറ്റവും പുതിയ ചിത്രം. ഫെബ്രുവരിയിലാണ് ട്രാന്സിന്റെ റിലീസ്. അരുണ് കുമാര് അരവിന്ദ് സംവിധാനം ചെയ്ത അണ്ടര് വേള്ഡ് ആണ് ഫർഹാന്റെ പുറത്തിറങ്ങിയ അവസാന ചിത്രം. സൗബിൻ നായകനായ അമ്പിളിയിലൂടെ നവീനും അഭിനയത്തിലേക്ക് ചുവടുവച്ചിരുന്നു. ഇരുവരുടെയും പുതിയ ചിത്രങ്ങളുടെ വിശേഷങ്ങളൊന്നും പുറത്തുവന്നിട്ടില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ