അഭിനയവും നൃത്തവുംകൊണ്ട് ആരാധകരെ കൈയ്യിലെടുത്ത താരമാണ് സൗഭാഗ്യാ വെങ്കിടേഷ്. ഇപ്പോഴിതാ വിവാഹതയാകാൻ പോകുന്ന സന്തോഷത്തിലാണ് താരം. അർജുന്‍ സോമശേഖറാണ് വരന്‍. ഇരുവരുടെയും വിവാഹനിശ്ചയം കഴിഞ്ഞു.
അഭിനേതാക്കളായ രാജാറാമിന്റെയും താരാ കല്യാണിന്റെയും മകളാണ് സൗഭാഗ്യ. വിവാഹവാർത്ത സൗഭാഗ്യ തന്നെയാണ് പുറത്തുവിട്ടത്. വിവാഹനിശ്ചയ ചടങ്ങിന്റെ ചിത്രങ്ങളും താരം പങ്കുവച്ചു.
ഇരുവരും അമ്മ താരാ കല്യാണിനൊപ്പം നിൽക്കുന്ന ചിത്രമാണ് സൗഭാഗ്യ ആദ്യം പങ്കുവച്ചത്. താൻ ഏറ്റവും ആഗ്രഹിക്കുന്നത് സമ്മാനിച്ചതിന് അമ്മയ്ക്ക് നന്ദികുറിച്ചുകൊണ്ടാണ് സൗഭാഗ്യ ചിത്രം പങ്കുവച്ചത്. ഹാപ്പിലി എവർ ആഫ്റ്ററിനായി കാത്തിരിക്കുന്നു എന്ന് കുറിച്ചുകൊണ്ട് വിവാഹനിശ്ചയം അറിയിച്ച് രണ്ട് ചിത്രങ്ങൾ കൂടി സൗഭാഗ്യ പുറത്തുവിട്ടു.
വിവാഹസൂചനകൾ നൽകികൊണ്ട് സൗഭാഗ്യ അടുത്തിടെ തന്റെ ഇൻസ്റ്റഗ്രാം പേജിൽ ചില ചിത്രങ്ങൾ പങ്കുവച്ചിരുന്നു. പത്മനാഭസ്വാമി ക്ഷേത്രത്തിൽ നിന്നു പകർത്തിയ ചിത്രങ്ങളായിരുന്നു ഇവ. ദീപങ്ങൾ കൊണ്ട് അലങ്കരിച്ച ക്ഷേത്രത്തിൽ വച്ച് നൃത്തവേഷത്തിൽ അർജുനൊപ്പം പോസ് ചെയ്തിരിക്കുകയാണ് സൗഭാഗ്യ. കുർത്തിയും മുണ്ടുമണിഞ്ഞാണ് അർജ്ജുൻ. ‘‘സന്തോഷം നൽകുന്ന സ്ഥലം, ഇവിടെയാണ് എല്ലാം ആരംഭിച്ചത്....വിധി....ദൈവം എന്താണ് കരുതിവച്ചിരിക്കുന്നതെന്ന് നിങ്ങൾക്ക് അറിയാനാവില്ല. പക്ഷേ വിശ്വസിക്കൂ, എന്തു തന്നെയായാലും അതു മികച്ചതായിരിക്കും...പത്മനാഭ സ്വാമി തമ്പുരാനേ ശരണം...’’ എന്നും ചിത്രത്തോടൊപ്പം സൗഭാഗ്യ കുറിച്ചു.
‘‘ഒരുപാട് നന്ദിയുണ്ട്, ദൈവം എനിക്കൊരു അമൂല്യ രത്നം നൽകി’’ എന്ന് കുറിച്ചുകൊണ്ട് ഇരുവരും ഒന്നിച്ചുള്ള മറ്റൊരു ചിത്രവും സൗഭാഗ്യ പങ്കുവച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
