പ്രശസ്ത ഗായകനും ഗാനരചയിതാവുമായ ഡേവിഡ് ഓള്നി അന്തരിച്ചു. 71 വയസ്സായിരുന്നു. ഫ്ളോറിഡയില് സംഗീത പരിപാടിക്കിടെ സ്റ്റേജില് വച്ചായിരുന്നു അന്ത്യം.
പാടുന്നതിനിടയില് അപ്രതീക്ഷിതമായി പാട്ട് നിര്ത്തുകയായിരുന്നു ഡേവിഡ്. ഇതിന് മാപ്പ് പറഞ്ഞെങ്കിലും തുടര്ന്ന് പാടാനാകാതെ അദ്ദേഹം കുഴഞ്ഞുവീണു. ശനിയാഴ്ച രാത്രിയായിരുന്നു സംഭവം.
ഷോയിലെ മൂന്നാമത്തെ ഗാനം പാടുന്നതിനിടെയാണ് അന്ത്യം സംഭവിച്ചത്. കാണികള്ക്കിടെയുണ്ടായിരുന്ന ഡോക്ടര്മാര് കഴിവതും ശ്രമിച്ചെങ്കിലും ജീവന് രക്ഷിക്കാനായില്ല. ഡേവിഡ് എത്രത്തോളം ശാന്തമായിരുന്നോ അത്രതന്നെ സ്വസ്ഥമായ മരണം എന്നാണ് ഡേവിഡിന്റെ വേര്പാടിനെക്കുറിച്ച് ഗായകര് കുറിച്ചിരിക്കുന്നത്. ഡേവിഡ് മരണത്തിലും ജയിച്ചു എന്നാണ് ആരാധകരുടെ വാക്കുകള്.
25ഓളം സോളോ ആല്ബങ്ങള് പുറത്തിറക്കിയിട്ടുള്ള ഡേവിഡ് 2017ല് റെക്കോര്ഡ് ചെയ്ത ഡോണ്ട് ട്രൈ ടു ഫൈറ്റ് ഇറ്റ് ആണ് അവസാന ഗാനം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ