മലയാളികളെ ഒന്നടങ്കം ഞെട്ടിച്ചുകൊണ്ടാണ് കുഞ്ചോക്കോ ബോബന് തന്റെ പുതുവര്ഷത്തിന് തുടക്കമിട്ടത്. ക്രൈം ത്രില്ലര് അഞ്ചാം പാതിരയിലൂടെ. മലയാളികളുടെ ചോക്ലേറ്റ് നായകനില് നിന്ന് ഇങ്ങനെയൊരു സിനിമ ആരാധകര് പ്രതീക്ഷിച്ചിരുന്നില്ല. ഏറ്റവും മികച്ച റൊമാന്റിക്ക് സിനിമയില് നിന്ന് ഏറ്റവും മികച്ച ക്രൈംത്രില്ലറിലേക്കുള്ള തന്റെ യാത്രയില് കൂടെ നിന്നവര്ക്ക് നന്ദി പറയുകയാണ് ചാക്കോച്ചന്.
ഒരു എപിയില് നിന്ന് മറ്റൊരു എപിയിലേക്കുള്ളതാണ് കുഞ്ചാക്കോ ബോബന്റെ യാത്ര. എന്താണ് ഈ എപി? അനിയത്തി പ്രാവു മുതല് അഞ്ചാം പാതിര വരെ. സുധി മുതല് അന്വര് ഹുസൈന് വരെ.ഈ രണ്ട് സിനിമക്ക് ഇടയിലെ തന്റെ സിനിമ ജീവിതത്തെ ഓര്മിക്കുകയാണ് ചാക്കോച്ചന്. മനോഹരമായ കുറിപ്പിലൂടെയാണ് താരം ആരാധകരോട് നന്ദി പറയുന്നത്. സുധിയുടേയും അന്വറിന്റേയും മുഖങ്ങള് ചേര്ത്തുവെച്ച് ഒരു ചിത്രവും പോസ്റ്റ് ചെയ്തിട്ടുണ്ട്.
'യാത്ര... എപിയില് നിന്ന് എപി വരെ... അനിയത്തി പ്രാവില് നിന്ന് അഞ്ചാം പാതിര വരം. സുധി മുതല് അന്വര് ഹുസൈന് വരെ. ചോക്ലേറ്റ് മുതല് ഡാര്ക്ക് ചോക്ലേറ്റ് വരെ. മികച്ച ഒരു റൊമാന്റിക് ചിത്രങ്ങത്തില് നിന്ന് മികച്ച ഒരു ക്രൈം ത്രില്ലര് വരെ. എല്ലാ സ്നേഹങ്ങള്ക്കും അനുഗ്രഹങ്ങള്ക്കും നന്ദി' കുഞ്ചാക്കോ ബോബന് കുറിച്ചു. ചാക്കോച്ചന്റെ കുറിപ്പ് സോഷ്യല് മീഡിയയില് വൈറലാവുകയാണ്. സിനിമ താരങ്ങള് ഉള്പ്പടെ നിരവധി പേരാണ് ആശംസകള് അറിയിച്ച് കമന്റ് ചെയ്യുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ