ഭര്‍ത്താവ് നിക്ക് ജൊനാസിന്റെ കൈപിടിച്ച് ഗ്രാമി പുരസ്കാര വേദിയിലെത്തിയ പ്രിയങ്ക ചോപ്ര ഏറെ ശ്രദ്ധനേടിക്കഴിഞ്ഞു. ഡീപ് നെക്കിലുള്ള സ്‌കിന്‍ ഫിറ്റ് ഗൗണില്‍ ഫാഷന്‍ ലോകത്തെ ഞെട്ടിച്ചിരിക്കുകയാണ് താരം. പതിവുപോലെ പ്രിയങ്കയുടെ ലുക്ക് സോഷ്യല്‍ മീഡിയയിൽ പ്രശംസയും വിമർശനങ്ങളും ഏറ്റുവാങ്ങി.
.jpg?w=640&auto=format%2Ccompress)
റാള്‍ഫ് ആന്‍ഡ് റസ്സോ കളക്ഷന്റെ മാസ്റ്റര്‍പീസ് ഡിസൈനര്‍ ഗൗണാണ് ഗ്രാമി റെഡ് കാര്‍പ്പറ്റ് ലുക്കിനായി പ്രിയങ്ക തിരഞ്ഞെടുത്തത്. വെള്ള നിറത്തിലുള്ള സാറ്റിന്‍ ഗൗണിന് കഴുത്തുമുതല്‍ വയറുവരെ നീളുന്ന നെക്ക് ലൈന്‍ ഗ്ലാമറസ് ലുക്ക് നല്‍കുന്നു. ചിറക് പോലുള്ള സ്ലീവുകളും നീളന്‍ ട്രെയിലും മത്സകന്യകയെ പോലെ തോന്നിപ്പിക്കും. സിംപിള്‍ ഹെയര്‍സ്റ്റൈലിനൊപ്പം മിനിമല്‍ ആക്‌സസറീസ് കൂടി ആയപ്പോള്‍ പ്രിയങ്ക കൂടുതല്‍ മനോഹരിയായി. എന്നാല്‍ പൊക്കിള്‍ചുഴിയില്‍ അണിഞ്ഞ ക്രിസ്റ്റല്‍ സ്റ്റഡാണ് ഏറ്റവും ശ്രദ്ധയാകര്‍ഷിച്ചത്.
പ്രിയങ്കയുടെ വസ്ത്രം കോപ്പിയടിച്ചതാണെന്ന ആരോപണമാണ് ഇപ്പോൾ ശക്തമാകുന്നത്. 20 വര്‍ഷം മുന്‍പ് പ്രമുഖ നടിയും ഗായികയുമായ ജെന്നിഫര്‍ ലോപസ് ഗ്രാമി വേദിയിലെത്തിയ ലുക്ക് ആണ് പ്രിയങ്ക അടിച്ചെടുത്തിരിക്കുന്നത് എന്നാണ് കണ്ടെത്തൽ. പച്ച നിറത്തിൽ വയറുവരെ നീളുന്ന നെക്ക് ലൈൻ ജെന്നിഫറിന്റെ ഗൗണിന്റെ പ്രത്യേകതയായിരുന്നു. ഇതുനുപുറമേ കാലുകള്‍ മുഴുവനായും കാണുന്ന തരത്തിലായിരുന്നു ഗൗണ്‍ ഡിസൈന്‍ ചെയ്തിരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
