ബോളിവുഡ് നടൻ സുശാന്ത് സിങ് അഭിനയിച്ച അവസാനചിത്രം ‘ദിൽ ബെച്ചാര’യുടെ ട്രെയിലർ പുറത്തുവിട്ടു. സഞ്ജന സാംഘിയാണ് ചിത്രത്തിൽ സുശാന്തിന്റെ നായികയായി എത്തുന്നത്. ജൂലൈ 24ന് ഡിസ്നി പ്ലസ് ഹോട്ട് സ്റ്റാറിൽ സിനിമ റിലീസ് ചെയ്യും.
കാസ്റ്റിംഗ് ഡയറക്ടറും സുശാന്തിന്റെ അടുത്ത സുഹൃത്തുമായ മുകേഷ് ചബ്രയുടെ ആദ്യമായി സംവിധാനം ചെയ്ത ചിത്രമാണ് ദിൽ ബെച്ചാര. സെയ്ഫ് അലിഖാനും ചിത്രത്തിൽ അഭിനയിച്ചിട്ടുണ്ട്. ഹോളിവുഡ് ചിത്രമായ 'ദി ഫാൾട്ട് ഇൻ അവർ സ്റ്റാർസി'ന്റെ ഹിന്ദി അഡാപ്റ്റേഷനാണ് ദിൽ ബെച്ചാര. അതേ പേരിൽ ജോൺ ഗ്രീന്റെ നോവലിനെ അടിസ്ഥാനമാക്കിയുള്ളതാണ് സിനിമ.
അമിതാഭ് ബച്ചൻ-ആയുഷ്മാൻ ഖുറാന ചിത്രം ഗുലാബോ സിതാബോയ്ക്ക് ശേഷം നേരിട്ട് ഓൺലൈൻ റിലീസിനെത്തുന്ന ബോളിവുഡ് ചിത്രമായിരിക്കും ദിൽ ബെച്ചാരെ. മേയ് എട്ടിന് ചിത്രത്തിന്റെ റിലീസ് തീരുമാനിച്ചിരുന്നെങ്കിലും കോവിഡ് പശ്ചാത്തലത്തിൽ റിലീസ് വൈകുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ