നൃത്തത്തിലൂടെ മകൾക്ക് പിറന്നാൾ ആശംസകൾ നേർന്നിരിക്കുകയാണ് നടി മുക്ത. മകൾ കൺമണിയുടെ നാലാം പിറന്നാൾ പ്രമാണിച്ചാണ് മുക്ത നൃത്തവിഡിയോ പങ്കുവച്ചിരിക്കുന്നത്. വിഡിയോയിൽ മുക്തയ്ക്കൊപ്പം കൺമണിയേയും കാണാം.
പെരുമഴക്കാലം എന്ന സിനിമയിലെ 'ചെന്താർമിഴീ' എന്ന ഗാനത്തിനാണ് മുക്ത ചുവടുകൾ വെക്കുന്നത്. അമ്മയുടെ ചുവടുകൾ പകർത്താൻ ശ്രമിക്കുന്ന കൺമണിയെയാണ് വിഡിയോയിൽ കാണാൻ കഴിയുക. കേരളസാരിയുടുത്താണ് മുക്തയുടെ നൃത്തം. "എന്റെ കൺമണിക്ക് നാലാംപിറന്നാൾ, പ്രിയഗാനം" എന്ന ക്യാപ്ഷനോടെയാണ് മുക്ത വിഡിയോ പങ്കുവച്ചത്.
നേരത്തെ റിമിടോമിയും കൺമണിക്ക് പിറന്നാൾ ആശംസകൾ നേർന്നിരുന്നു. കൺമണിക്കായി ഒരുക്കിയ കേക്ക് പങ്കുവച്ചായിരുന്നു റിമിയുടെ ആശംസ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
