ബോളിവുഡ് നടി സുസ്മിതാ സെന് അഭിനയത്തിലേക്ക് മടങ്ങിയെത്തുന്നെന്ന വാര്ത്തകള്ക്ക് പിന്നാലെ മറ്റൊരു സന്തോഷവാര്ത്ത കൂടി ആരാധകരെ തേടിയെത്തിയിരിക്കുകയാണ്. നടിയുടെ സഹോദരന് രാജീവ് സെന് ആദ്യമായി നായകനാകുന്നു. രാജീവിന്റെ അരങ്ങേറ്റ ചിത്രം ഇത്തിയുടെ പോസ്റ്റര് പുറത്തുവിട്ടിട്ടുണ്ട്.
രോഹിത് വര്ധാന് എന്നാണ് രാജീവിന്റെ കന്നികഥാപാത്രത്തിന്റെ പേര്. ഇരുണ്ട ചുറ്റുപാടില് ഒരു കാറിനകത്ത് ഇരിക്കുന്നതാണ് പുറത്തുവിട്ട ചിത്രത്തിന്റെ ഫസ്റ്റ് ലുക്ക് പോസ്റ്ററില് കാണാന് കഴിയുക.
ക്രൈം ത്രില്ലര് ചിത്രമാണ് ഇത്തി എന്നാണ് റിപ്പോര്ട്ടുകള്. കാന് യൂ സോള്വ് യുവര് ഓണ് മര്ഡര് എന്ന ടാഗ് ലൈനോടെയാണ് ചിത്രം എത്തുന്നത്. നടന് വിവേക് ഒബ്റോയുടെ ഉടമസ്ഥതയിലുള്ള നിര്മ്മാണകമ്പനിയാണ് ചിത്രം തിയറ്ററുകളിലെത്തിക്കുന്നത്. ഈ വര്ഷം തന്നെ ചിത്രം റിലിസിനെത്തും എന്നാണ് അണിയറപ്രവര്ത്തകര് അറിയിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ