നടി രോഹിണിക്ക് വാഹനാപകടത്തില്‍ ഗുരുതര പരിക്ക്

സുഹൃത്തും നടന്‍ ജയ് ജഗ്ദീഷിന്റെ മകളുമായ അര്‍പ്പിതയ്‌ക്കൊപ്പം ഒരു പാര്‍ട്ടി കഴിഞ്ഞ് മടങ്ങുമ്പോഴായിരുന്നു അപകടം
നടി രോഹിണിക്ക് വാഹനാപകടത്തില്‍ ഗുരുതര പരിക്ക്

ബാംഗളൂര്‍; കന്നഡ നടിയും മുന്‍ കന്നഡ ബിഗ് ബോസ് മത്സരാര്‍ത്ഥിയുമായിരുന്ന രോഹിണി സിങ്ങിന് വാഹനാപകടത്തില്‍ പരിക്ക്. ബാംഗളൂരുവിലെ മാവല്ലിപുരയില്‍ വ്യാഴാഴ്ച അര്‍ധരാത്രിയിലാണ് സംഭവം. സുഹൃത്തും നടന്‍ ജയ് ജഗ്ദീഷിന്റെ മകളുമായ അര്‍പ്പിതയ്‌ക്കൊപ്പം ഒരു പാര്‍ട്ടി കഴിഞ്ഞ് മടങ്ങുമ്പോഴായിരുന്നു അപകടം.

വാഹനം നിയന്ത്രണം വിട്ട് മരത്തില്‍ ഇടിക്കുകയായിരുന്നു. അപകടത്തില്‍ വാഹനത്തിന് വലിയരീതിയില്‍ നാശം സംഭവിച്ചു. രണ്ടു പേര്‍ക്കും അപകടത്തില്‍ ഗുരുതരമായ പരുക്കേറ്റു. രോഹിണിയുടെ സഹോദരനും നടനുമായ ആദിത്യയാണ് വാര്‍ത്ത സ്ഥിരീകരിച്ചത്. ഇരുവര്‍ക്കും വലിയ പ്രശ്‌നങ്ങളൊന്നുമല്ലെന്നും ഒന്നോ രണ്ടോ ആഴ്ചയ്ക്കകം ആശുപതത്രി വിടാനാകുമെന്നും താരം വ്യക്തമാക്കി. പ്രമുഖ സംവിധായകന്‍ രാജേന്ദ്ര സിങ് ബാബുവിന്റെ മകളാണ് രോഹിണി. ഇന്റസ്ട്രിയില്‍ റിഷിക എന്നറിയപ്പെടുന്ന താരം ബിഗ് ബോസിന്റെ ആദ്യ സീസണിലാണ് പങ്കെടുത്തത്. ഷോയിലെ വിവാദ മത്സരാര്‍ത്ഥികളില്‍ ഒരാളായിരുന്നു താരം.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com