കുടുംബത്തിനൊപ്പം പെരുന്നാൾ ആഘോഷിച്ച് നടി അനു സിത്താര. മൈലാഞ്ചിയിട്ടും ഒപ്പന കളിച്ചും പാട്ടുപാടിയും താരം ആഘോഷം കെങ്കേമമാക്കി. ആരാധകർക്ക് ഈദ് ആശംസകൾ അറിയിച്ചുകൊണ്ടാണ് താരം ആഘോഷ വിഡിയോ സോഷ്യൽ മീഡിയയിൽ പങ്കുവെച്ചത്. സഹോദരി അനു സോനാരയ്ക്കും പിതാവ് അബ്ദുൾ സലാമിന്റെ ഉമ്മ റുഖിയയ്ക്കുമൊപ്പമാണ് അനുവിന്റെ വീഡിയോ.
അനു സോനാരയുടെ പാട്ടിനൊപ്പമാണ് വിഡിയോ. ഗ്രാമഫോൺ എന്ന ചിത്രത്തിലെ എന്തേ ഇന്നും വന്നീല എന്ന ഗാനം മനോഹരമായാണ് അനു സോനാര പാടുന്നത്. അതിനിടയിൽ മുത്തശ്ശി അനുസിത്താരയുടെ കയ്യിൽ മൈലാഞ്ചി തേക്കുന്നുണ്ട്. അടയ്ക്ക് ഇരുവരും ഒപ്പന കളിക്കുന്നതും വിഡിയോയിൽ കാണാം.
നിരവധി പേരാണ് താരത്തിന് ആശംസകളുമായി എത്തിയിരിക്കുന്നത്. നടൻ ആദിൽ, ഗായിക സിത്താര കൃഷ്ണകുമാർ, സരിത ജയസൂര്യ എന്നിവർ ആശംസ അറിയിച്ചു. മിശ്ര വിവാഹിതരാണ് അനുവിന്റെ അച്ഛൻ അബ്ദുൾ സലാമും അമ്മ രേണുകയും. ചേച്ചിയുടെ പാത പിന്തുടർന്ന് അഭിനയത്തിന്റെ വഴിയേ ആണ് സോനാരയുടെയും യാത്ര. സുരേഷ് ഉണ്ണിത്താൻ സംവിധാനം ചെയ്യുന്ന ക്ഷണം എന്ന ചിത്രത്തിലൂടെയാണ് അനു സൊനാരയുടെ സിനിമാപ്രവേശം. ലോക്ക്ഡൗൺ സമയത്ത് സ്വന്തം യൂട്യൂബ് ചാനലുമായി സജീവമാണ് അനു സിതാര. ഉമ്മയുടെ സ്പെഷ്യൽ ഭക്ഷണവിഭവങ്ങളും തന്റെ സൗന്ദര്യ സംരക്ഷമ പൊടിക്കൗകളുമെല്ലാം താരം ചാനലിലൂടെ പങ്കുവയ്ക്കാറുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
