നടി മിയ ജോർജ് വിവാഹിതയാകുന്നു. ബിസിനസുകാരനായ അശ്വിൻ ഫിലിപ്പാണ് വരൻ. കോട്ടയം സ്വദേശിയാണ് അശ്വിൻ. ഇരുവരുടെയും വിവാഹ നിശ്ചയം കഴിഞ്ഞു. വിവാഹം സെപ്റ്റംബറിർ നടക്കുമെന്നാണ് സൂചന. എന്നാൽ ഇതു സംബന്ധിച്ചുള്ള സ്ഥിരീകരണം നടിയുടെ ഭാഗത്തു നിന്നും ഇതുവരെ ഉണ്ടായിട്ടില്ല.
അൽഫോൻസാമ്മ ടെലിഫിലിമിലൂടെയും ടെലിവിഷൻ സീരിയലിലൂടെയും പ്രേക്ഷകശ്രദ്ധ നേടിയ മിയ രാജസേനൻ സംവിധാനം ചെയ്ത ഒരു സ്മോൾ ഫാമിലി എന്ന ചിത്രത്തിലൂടെയാണ് സിനിമയിലേക്കെത്തിയത്. ചേട്ടായീസ് എന്ന സിനിമയിലൂടെ ആദ്യമായി നായികയായി. ഡോക്ടർ ലവ്, റെഡ് വൈൻ, മെമ്മറീസ്, വിശുദ്ധൻ, മിസ്റ്റർ ഫ്രോഡ്, അനാർക്കലി, പാവാട, ബ്രദേഴ്‌സ് ഡേ, ഡ്രൈവിംഗ് ലൈസൻസ് തുടങ്ങി നിരവധി സിനിമകളിൽ അഭിനയിച്ചിട്ടുണ്ട്.
പാലാ ഏഴാച്ചേരി സ്വദേശി ജോർജിൻറെയും മിനിയുടെയും മകളാണ് മിയ. പാലാ അൽഫോൻസ കോളജിൽ നിന്നു ഇംഗ്ലീഷ് സാഹിത്യത്തിൽ ഡിഗ്രിയും, സെൻറ് തോമസ് കോളജിൽ നിന്നു മാസ്റ്റർ ഡിഗ്രിയുമെടുത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
