ചെന്നൈ; തമിഴ് സീരിയൽ താരങ്ങളായ സഹോദരങ്ങൾ ചെന്നായിലെ വീടിനുള്ളിൽ മരിച്ചനിലയിൽ. കൊടുങ്ങയ്യൂര് മുത്തമിഴ് നഗറില് താമസിക്കുന്ന ശ്രീധര് (50), ജയകല്യാണി (45) എന്നിവരെയാണ് മരിച്ച നിലയിൽ കണ്ടെത്തിയത്. ലോക്ക്ഡൗണിനെ തുടർന്ന് ഷൂട്ടിങ് നിർത്തിവെച്ചിരിക്കുന്നതിനാൽ ഇവർ ബുദ്ധിമുട്ടിലായിരുന്നെന്നാണ് വിവരം.
വീട്ടില്നിന്ന് ദുര്ഗന്ധം വമിക്കുന്നതായി നാട്ടുകാര് പരാതിപ്പെട്ടതിനെത്തുടര്ന്നാണ് പോലീസ് എത്തിയത്. വിളിച്ചിട്ട് പ്രതികരണമില്ലാത്തതിനാല് വാതില് തകര്ത്ത് വീട്ടില് കയറിയപ്പോള് രണ്ട് മുറികളിലായി ഇരുവരുടെയും മൃതദേഹങ്ങള് കണ്ടെത്തുകയായിരുന്നു. സംഭവത്തില് അന്വേഷണം ആരംഭിച്ചതായി കൊടുങ്ങയ്യൂര് പോലീസ് അറിയിച്ചു.
നിയന്ത്രണങ്ങളോടെ ചില സീരിയലുകള് ചിത്രീകരണമാരംഭിച്ചെങ്കിലും ഇരുവര്ക്കും അവസരമുണ്ടായിരുന്നില്ല. ഇരുവരും അവിവാഹിതരാണെന്ന് പോലീസ് പറഞ്ഞു. നേരത്തെ ഹിന്ദി സീരിയൽ താരവും സാമ്പത്തിക പ്രതിസന്ധിയെത്തുടർന്ന് ആത്മഹത്യചെയ്തിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ