'ആകെ തകർന്ന അവസ്ഥയിലാണ്', പാർവോ വൈറസ് പിടിപെട്ട് റമ്മിനെയും ടോഡിയെയും നഷ്ടപ്പെട്ടു: അനുപമ പരമേശ്വരൻ

പാർവോ വൈറസ് ബാധയെക്കുറിച്ച് വിവരിക്കുന്നതായിരുന്നു അനുപമ പിന്നീട് പങ്കുവച്ച വിഡിയോ 
'ആകെ തകർന്ന അവസ്ഥയിലാണ്', പാർവോ വൈറസ് പിടിപെട്ട് റമ്മിനെയും ടോഡിയെയും നഷ്ടപ്പെട്ടു: അനുപമ പരമേശ്വരൻ

ളർത്തു നായ്ക്കളെ നഷ്ടപ്പെട്ടതിന്റെ സങ്കടത്തിലാണ് നടി അനുപമ പരമേശ്വരൻ. മൂന്ന് നായ്ക്കൾ ഉള്ളതിൽ രണ്ട് എണ്ണം ഒരാഴ്ചയുടെ ഇടവേളയിലാണ് താരത്തെ വിട്ടുപോയത്. പാർവോ വൈറസ് പിടിപെട്ടതാണ് മരണകാരണം.

റമ്മും ടോഡിയും വിട്ടുപോയതിന്റെ വേദന പറഞ്ഞറിയിക്കാൻ കഴിയില്ലെന്നും ഈ അവസ്ഥ മറ്റൊരു വളർത്തു നായകൾക്കും വരരുതെന്നും നടി പറഞ്ഞു. പാർവോ വൈറസ് ബാധയെക്കുറിച്ച് വിവരിക്കുന്നതായിരുന്നു അനുപമ പിന്നീട് പങ്കുവച്ച വിഡിയോയും ഇൻസ്റ്റ​ഗ്രാം പോസ്റ്റും.

‌"ജൂൺ എട്ടു മുതൽ ഇങ്ങനെയൊരു വിഡിയോ ചെയ്യണമെന്ന് ആഗ്രഹിക്കുന്നതാണ്. പക്ഷേ കഴി‍ഞ്ഞില്ല. മനസ്സ് ആകെ തകർന്ന അവസ്ഥയിലാണ്. ആ വേദന പറഞ്ഞറിയിക്കാൻ സാധിക്കുന്നില്ല. എനിക്ക് എന്റെ നായ്ക്കുട്ടികളെ രക്ഷിക്കാൻ കഴിഞ്ഞില്ല. ഈ അവസ്ഥ മറ്റൊരു വളർത്തു നായകൾക്കും വരരുത് എന്ന് ആഗ്രഹിക്കുന്നതുകൊണ്ടാണ് വിഡിയോ ചെയ്തതു തന്നെ. ഇപ്പോൾ വിസ്കി മാത്രമാണ് ഞങ്ങൾക്കൊപ്പമുളളത്. പാർവോ വൈറസ് പിടിപെട്ട് റമ്മിനെയും ടോഡിയെയും നഷ്ടപ്പെട്ടു. ഈ വൈറസ് മനുഷ്യനെ ആക്രമിക്കില്ല. പക്ഷേ വാക്സിനേഷൻ എടുത്ത നായകളാണെങ്കിലും വൈറസ് പിടികൂടാം. റമ്മും ടോഡിയും അങ്ങനെയായിരുന്നു", വിഡിയോയ്ക്കൊപ്പം അനുപമ കുറിച്ചു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com