കൊച്ചി: പുതിയ സിനിമയുടെ ഫസ്റ്റ് ലുക്ക് പോസ്റ്റർ പുറത്തുവിട്ട് സംവിധായകൻ ലിജോ ജോസ് പെല്ലിശ്ശേരി. 'എ' എന്നാണ് സിനിമയുടെ പേര്. ജൂലൈ ഒന്നിന് ചിത്രീകരണം ആരംഭിക്കുമെന്നും ലിജോ ഫെയ്സ്ബുക്ക് അക്കൗണ്ടിലൂടെ അറിയിച്ചു. മറ്റ് വിവരങ്ങൾ പുറത്തുവിട്ടിട്ടില്ല.
സിനിമാ ചിത്രീകരണവുമായി ബന്ധപ്പെട്ട തർക്കം നിലനിൽക്കുന്നതിന്റെ പശ്ചാത്തലത്തിൽ കഴിഞ്ഞ ദിവസം ലിജോയിട്ട ഒരു ഫെയ്സ്ബുക്ക് കുറിപ്പ് വലിയ ചർച്ചകൾക്ക് വഴി തുറന്നിരുന്നു. 'ഞാനൊരു സിനിമ പിടിക്കാൻ പോകുവാ ആരാടാ തടയാൻ' എന്നായിരുന്നു കുറിപ്പ്. വെറുതെ പറഞ്ഞതായിരിക്കുമെന്ന തരത്തിലും ചർച്ചകൾ സജീവമായിരുന്നു. അതിനിടെയാണ് വ്യക്തത വരുത്തിയുള്ള ചർച്ചയായിരുന്നു.
ഒരറിയിപ്പുണ്ടാകുന്നതു വരെ പുതിയ സിനിമകളുടെ ചിത്രീകരണം തുടങ്ങരുതെന്ന് നിർമാതാക്കാളുടെ സംഘടന ആവശ്യപ്പെട്ടിരുന്നു. എന്നാൽ, ഹാഗർ എന്ന സിനിമ പ്രഖ്യാപിച്ച് ആഷിഖ് അബുവും ഫഹദ് ഫാസിൽ സിനിമ പ്രഖ്യാപിച്ച് മഹേഷ് നാരായണനും രംഗത്തെത്തി. പിന്നാലെയാണ് ലിജോ ജോസ് പെല്ലിശ്ശേരിയും പുതിയ സിനിമ പ്രഖ്യാപിച്ചത്.
പുതിയ സിനിമകളുടെ ചിത്രീകരണത്തിന് തടസമില്ലെന്നും എന്നാൽ നിലവിൽ മുടങ്ങിയ ചിത്രങ്ങളുടെ റിലീസിന് ശേഷം മതി പുതിയ ചിത്രങ്ങളുടെ റിലീസെന്നുമാണ് ഫെഫ്കയുടെ നിലപാട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ