മഞ്ജുവിന്റെ വേഷത്തിൽ സുഹാസിനിയോ വിജയശാന്തിയോ? ലൂസിഫർ തെലുങ്കിലെത്തുമ്പോൾ

പ്രിയദർശിനി രാംദാസായി എത്തുന്നതാര്? എന്ന ചോദ്യമാണ് സിനിമാപ്രേമികൾക്കുള്ളത്
മഞ്ജുവിന്റെ വേഷത്തിൽ സുഹാസിനിയോ വിജയശാന്തിയോ? ലൂസിഫർ തെലുങ്കിലെത്തുമ്പോൾ

പൃഥ്വിരാജ് സംവിധാനം ചെയ്ത് മോഹൻലാൽ, മഞ്ജു വാര്യർ, വിവേക് ഒബ്റോയ്, ടൊവിനോ തുടങ്ങി നിരവധി താരങ്ങൾ അഭിനയിച്ച ഏറെ ശ്രദ്ധനേടിയ ചിത്രമാണ് ലൂസിഫർ. ചിരഞ്ജീവിയെ നായകനാക്കി ചിത്രം തെലുങ്കിൽ റിമേക്ക് ചെയ്യാനൊരുങ്ങുമ്പോൾ സിനിമയിലെ നിർണ്ണായക കഥാപാത്രമായ പ്രിയദർശിനി രാംദാസായി എത്തുന്നതാര് എന്ന ചോദ്യമാണ് സിനിമാപ്രേമികൾക്കുള്ളത്.

മലയാളത്തിൽ മഞ്ജു വാര്യർ അഭിനയിച്ച ഈ കഥാപാത്രം തെലുങ്കിൽ സുഹാസിനി ചെയ്യുമെന്ന് റിപ്പോർട്ടുകളുണ്ട്. നടി വിജയശാന്തിയുടെയും പേരും ഈ വേഷത്തിലേക്കായി പറഞ്ഞുകേൾക്കുന്നു. എന്നാൽ ഇക്കാര്യത്തിൽ സിനിമയുടെ അണിയറപ്രവർത്തകരാരും ഔദ്യോഗിക സ്ഥിരീകരണം നടത്തിയിട്ടില്ല.

സാഹോയുടെ സംവിധായകൻ സുജീത് ആണ്  ലൂസിഫർ തെലുങ്കിൽ സംവിധാനം ചെയ്യുന്നത്. കോനിഡെലാ പ്രൊഡക്‌ഷൻ കമ്പനിയുടെ ബാനറിൽ രാം ചരൺ ചിത്രം നിർമ്മിക്കും. റാണ ദഗുബാട്ടി സിനിമയിൽ അതിഥി വേഷത്തിൽ എത്തുമെന്നും ചില റിപ്പോർട്ടുകളിലുണ്ട്. ഈ വർഷം അവസാനം സിനിമയുടെ ചിത്രീകരണം ആരംഭിക്കും.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com