സിനിമ പിടിക്കാന് ജനം അയക്കുന്ന പണം മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് പോകുന്നു എന്ന് ആരോപണവുമായി സംവിധായകന് അലി അക്ബര്. വാരിയംകുന്നത്ത് കുഞ്ഞഹമ്മദ് ഹാജിയെ വില്ലനായി ചിത്രീകരിച്ച് നിര്മ്മിക്കുന്ന സിനിമ ജനങ്ങളില് നിന്ന് പണം പിരിച്ചാണ് നിര്മ്മിക്കുന്നതെന്ന് അലി അക്ബര് നേരത്തെ പറഞ്ഞിരുന്നു. ഈ സിനിമയ്ക്ക് വേണ്ടി ഫണ്ട് പിരിക്കാന് എന്ന പേരില് മുഖ്യമന്ത്രിയുടെ ദുരിതാശ്വാസനിധിയുടെ അക്കൗണ്ട് നമ്പര് ചേര്ത്തുവച്ച് ആളുകള് വ്യാജ പിരിവ് നടത്തുന്നു എന്നാണ് അലി അക്ബറിന്റെ ആരോപണം. കാര്യമറിയാതെ ഒട്ടേറേ പേര് ഈ അക്കൗണ്ടിലേക്ക് പണം നല്കിയെന്നാണ് അലി അക്ബര് വാദിക്കുന്നത്.
'എന്റെ പ്രിയപ്പെട്ട മുഖ്യമന്ത്രി എന്റെ പണം എനിക്ക് തിരിച്ച് തരണം. ഈ ദിവസങ്ങളില് അങ്ങയുടെ അക്കൗണ്ടിലേക്ക് പണം അയച്ചവരോട് അങ്ങ് ചോദിക്കണം. ഇത് എനിക്ക് തന്നതാണോ അതോ അലി അക്ബറിന് കൊടുത്തതാണോ എന്ന്. അത് എനിക്ക് തന്നതാണ് എന്നു പറയുന്നവരുടെ പണം എനിക്ക് തിരിച്ച് തരണം. ഇതൊരു അപേക്ഷയാണ്..' ഫെയ്സ്ബുക്ക് ലൈവിലെത്തി അദ്ദേഹം പറയുന്നു. ഇതിന് പിന്നാലെ പണം മുഖ്യമന്ത്രിയുടെ ഫണ്ടിലേക്ക് പോയി എന്നു പറഞ്ഞ് നിരവധിപേര് രംഗത്തെത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ