തിരുവനന്തപുരം: ചലച്ചിത്ര നടൻ ഇന്ദ്രൻസ് കേരള ചലച്ചിത്ര അക്കാദമിയുടെ ജനറൽ കൗൺസിൽ അംഗമാകില്ല. സ്ഥാനം ഏറ്റെടുക്കാനില്ലെന്ന് മന്ത്രി എകെ ബാലനെ കണ്ട് അറിയിക്കുകയും ഒഴിവാക്കണമെന്ന് അഭ്യർഥിച്ച് കത്തു നൽകുകയും ചെയ്തുവെന്ന് ഇന്ദ്രൻസ് പറഞ്ഞു.
ഇന്ദ്രൻസ് അഭിനയിച്ച ചിത്രങ്ങൾ അവാർഡിനു പരിഗണിക്കുന്നുണ്ട്. അതിനാലാണ് സ്ഥാനം ഏറ്റെടുക്കേണ്ടെന്നു തീരുമാനിക്കാൻ കാരണം. തന്റെ അസൗകര്യങ്ങൾ മന്ത്രിയെ ബോധ്യപ്പെടുത്തിയതായി ഇന്ദ്രൻസ് വ്യക്തമാക്കി.
കഴിഞ്ഞ ദിവസം ഇന്ദ്രൻസ് ഉൾപ്പെടെ അഞ്ച് പേരെ ജനറൽ കൗൺസിൽ അംഗങ്ങളാക്കാൻ സർക്കാർ തീരുമാനിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ