'ഞാൻ പണമുണ്ടാക്കിയത് നിങ്ങൾ കാരണം'; ഒരു കോടി രൂപ സംഭാവന പ്രഖ്യാപിച്ച് കാർത്തിക് ആര്യൻ
കൊറോണ പ്രതിരോധ പ്രവർത്തനങ്ങൾക്കായി ഒരു കോടി രൂപ സംഭാവന ചെയ്യുമെന്ന് ബോളിവുഡ് നടൻ കാർത്തിക് ആര്യൻ. പ്രധാനമന്ത്രിയുടെ കൊറോണ ദുരിതാശ്വാസനിധിയിലേക്ക് താരം പണം നൽകുക. ഇൻസ്റ്റഗ്രാമിലൂടെയാണ് താരം ഇത് വ്യക്തമാക്കിയത്. രാജ്യത്തെ ജനങ്ങൾ കാരണമാണ് തനിക്കുണ്ടായതെന്നും അതിനാൽ ഒരു കോടി നൽകാൻ തയാറാണ് എന്നാണ് താരം കുറിച്ചത്.
'ഒരു രാജ്യത്തെ ജനങ്ങള് എന്ന നിലയില് നമ്മള് ഒറ്റക്കെട്ടായി നില്ക്കേണ്ട സമയമാണിത്. ഞാന് ഇന്ന് ആരാണോ, നേടിയ പണം എത്രയാണോ അതു മുഴുവന് ഇന്ത്യയിലെ ജനങ്ങള് കാരണമുണ്ടായതാണ്. അതിനാല് തന്നെ കേന്ദ്ര കൊറോണ ഫണ്ടിലേക്ക് ഒരു കോടി രൂപ നല്കാന് തയ്യാറാണ്. നിങ്ങളോരോരുത്തരും നിങ്ങളാല് കഴിയുന്ന വിധം സംഭാവന നല്കണമെന്ന് അഭ്യര്ഥിക്കുന്നു.' കാര്ത്തിക് ആര്യന് ഇന്സ്റ്റഗ്രാമില് കുറിച്ചു.
ഇതിനോടകം നിരവധി താരങ്ങളാണ് ദുരിതാശ്വാസ നിധിയിലേക്ക് സംഭവാന നൽകിയിരിക്കുന്നത്. ബോളിവുഡ് നടൻ അക്ഷയ് കുമാർ 25 കോടി രൂപയാണ് നൽകിയത്. കൂടാതെ ലോക്ക്ഡൗൺ കാരണം ബുദ്ധിമുട്ട് അനുഭവിക്കുന്ന ദിവസവേതനക്കാരായ 25,000 കുടുംബാംഗങ്ങൾക്ക് സൽമാൻ ഖാൻ സഹായം വാഗ്ദാനം ചെയ്തിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ