കോവിഡ് പ്രതിരോധത്തിന്റെ ഭാഗമായി ലോക്ക്ഡൗൺ പ്രഖ്യാപിച്ചിരിക്കുന്ന സാഹചര്യത്തിൽ തങ്ങളാൽ കഴിയുന്ന രീതിയിലെല്ലാം ബോധവൽക്കരണ പരിപാടികളുമായി എത്തുകയാണ് സിനിമാതാരങ്ങൾ. ഹൃസ്വചിത്രങ്ങളും വിഡിയോകളും നൃത്താവിഷ്കാരവുമൊക്കെയായാണ് താരങ്ങൾ ആരാധകരിലേക്ക് കോവിഡ് പ്രതിരോധത്തിന്റെ പ്രാധാന്യം പങ്കുവയ്ക്കുന്നത്. ഇത്തരത്തിലൊരു നൃത്തവിഡിയോയാണ് ഇപ്പോൾ സമൂഹമാധ്യമങ്ങളിൽ ശ്രദ്ധനേടുന്നത്.
സിനിമാതാരങ്ങളായ ദിവ്യ ഉണ്ണി, മിയ, രചന നാരായണൻകുട്ടി, അഞ്ജു അരവിന്ദ് എന്നിവരാണ് കൊറോണ പ്രതിരോധത്തെക്കുറിച്ചുളള നൃത്ത വിഡിയോയിൽ അണിനിരന്നിരിക്കുന്നത്. കൈകഴുകേണ്ടതിന്റെയും സാമൂഹിക അകലം പാലിക്കേണ്ടതിന്റെയും ആവശ്യകതയെക്കുറിച്ചാണ് ചുവടുകളിലൂടെ ഇവർ വിവരിക്കുന്നത്.
സഞ്ജയ് അംബാല പറമ്പത്താണ് ഈ നൃത്താവിഷ്കാരം ഒരുക്കിയിരിക്കുന്നത്. ഗാനത്തിന് വരികൾ രചിച്ചിരിക്കുന്നതും അദ്ദേഹമാണ്. നാദം മുരളിയാണ് സംഗീത സംവിധാനം നിർവ്വഹിച്ചതും ഗാനം ആലിപിച്ചതും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
