മികച്ച അഭിനേതാവ് എന്ന നിലയിൽ മാത്രമല്ല ഗായകൻ, ചിത്രകാരൻ എന്നീ നിലകളിലും മോഹൻലാലിന്റെ കഴിവ്നു നമ്മൾ കണ്ടിട്ടുണ്ട്.
എന്നാൽ ഇതിൽ മാത്രം ഒതുങ്ങുന്നതല്ല താരം. മികച്ച ഫോട്ടോഗ്രാഫർ കൂടിയാണ് മോഹൻലാൽ എന്ന് തെളിയിക്കുകയാണ് അദ്ദേഹത്തിന്റെ ലോക്ക്ഡൗൺ ഫോട്ടോ പരീക്ഷണങ്ങൾ. ഛായാഗ്രഹകന്‍ സന്തോഷ് ശിവനും നടന്‍ അനൂപ് മേനോനുമാണ് മോഹൻലാൽ പകർത്തിയ മനോഹരമായ ചിത്രങ്ങൾ പങ്കുവെച്ചത്.
മകൻ പ്രണവ് മോഹൻലാലും വളർത്തുനായ വിസ്കിയുമാണ് മോഹൻലാലിന്റെ ചിത്രങ്ങളിൽ കാണുന്നത്. വീട്ടിലെ സ്വിമ്മിങ് പൂളിൽ നിന്ന് കടലിലേക്ക് നോക്കി നിൽക്കുകയാണ് പ്രണവും വിസ്കിയും. ലോക്ക്ഡൗണിൽ ചെന്നൈയിലെ വീട്ടിലാണ് താരവും കുടുംബവും. കൂടാതെ വിസ്കിയുടെ ഒറ്റയ്ക്കുള്ള ചിത്രവും പങ്കുവെച്ചിട്ടുണ്ട്. മോഹന്‍ലാല്‍ നല്ലൊരു ഫോട്ടോഗ്രാഫര്‍ കൂടിയാണെന്ന് പറഞ്ഞുകൊണ്ടാണ് സന്തോഷ് ശിവനും അനൂപ് മേനോനും ചിത്രങ്ങൾ പോസ്റ്റ് ചെയ്തിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
