ലോക്ക്ഡൗണിൽ ഇഷ്ട താരങ്ങളുടെ ചിത്രം വരച്ച് കയ്യടി നേടിയവർ നിരവധിയാണ്. തങ്ങളെ അത്ര സ്നേഹത്തോടെ വരച്ച ആരാധകരോട് നന്ദി പറഞ്ഞുകൊണ്ട് അവരുടെ പെയിന്റിങ്സ് പങ്കുവെക്കാനും താരങ്ങൾ മറന്നില്ല. ഇപ്പോൾ സോഷ്യൽ മീഡിയയെ അമ്പരപ്പിക്കുന്നത് നടൻ ജയസൂര്യ പങ്കുവെച്ച ചിത്രമാണ്. മുപ്പതിനായിരം കുത്തുകൊണ്ട് അതിമനോഹരമായി ജയസൂര്യയെ വരച്ചുവെച്ചിരിക്കുകയാണ്.
ഷിജോ ജോൺസൺ എന്ന കലാകാരനാണ് ചിത്രത്തിന് പിന്നിൽ. 34 മണിക്കൂർ എടുത്താണ് ഷിജോ ജയസൂര്യയുടെ ചിത്രം പൂർത്തിയാക്കിയത്. ഇത്രയും നേരെ തന്നെമാത്രം ഓർത്തിരുന്നത് വിലമതിക്കാനാവാത്തത് ആണെന്നാണ് ചിത്രം പങ്കുവെച്ചുകൊണ്ട് താരം കുറിച്ചത്. അടുത്തുതന്നെ നേരിട്ട് കാണുമെന്നും ജയസൂര്യ പറയുന്നു. ഷിജോവിനോടുള്ള സ്നേഹം കുറിക്കാനും താരം മറന്നില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
