'ഇത് വ്യാജമാണ്'; വെളിപ്പെടുത്തലുമായി ഭാവന 

തന്റെ പേരിലുള്ള വ്യാജ പേജിനെതിരെ നടി ഭാവന
'ഇത് വ്യാജമാണ്'; വെളിപ്പെടുത്തലുമായി ഭാവന 


ഫെയ്സ്ബുക്കിൽ തന്റെ പേരിലുള്ള വ്യാജ പേജിനെതിരെ നടി ഭാവന. തനിക്ക് ഫേസ്ബുക്കിൽ അക്കൗണ്ട് ഇല്ലെന്ന് തന്റെ പേരിൽ മറ്റാരോ സജീവമാകുകയാണെന്നും താരം വെളിപ്പെടുത്തി. പേജ് റിപ്പോർട്ട് ചെയ്യണമെന്ന് ആരാധകരോട് അഭ്യർത്ഥിക്കുകയായിരുന്നു താരം. 

ഇൻസ്റ്റ​ഗ്രാമിലൂടെയാണ് തന്റെ പേരിലുള്ള വ്യാജ ഫേസ്ബുക്ക് പേജിനെതിരെ നടി രം​ഗത്തെത്തിയത്. ഭാവനയുടെ ബന്ധുവും സിനിമാ പ്രവർത്തകനുമായ രാജേഷ് ബി മേനോനും ഇക്കാര്യം ചൂണ്ടിക്കാട്ടി രം​ഗത്തെത്തിയിട്ടുണ്ട്. 

വിവാഹത്തിന് ശേഷം ബെം​ഗളൂരുവിലാണ് ഭാവന താമസിക്കുന്നത്.  2018ലാണ് കന്നഡ നിര്‍മ്മാതാവ് നവീനിനെ ഭാവന വിവാഹം ചെയ്തത്. പൃഥ്വിരാജ് നായകനായ ആദം ജോണിന് ശേഷം താരം മലയാളത്തിൽ അഭിനയിച്ചിട്ടില്ല. തമിഴ് ചിത്രം 96ന്റെ കന്നഡ റീമേക്ക് 99ലൂടെയാണ് വിവാഹശേഷം ഭാവന അഭിനയത്തിലേക്ക് തിരിച്ചെത്തിയത്. ‌ഇൻസ്പെക്ടർ വിക്രം, ഭജ്രം​ഗി 2, ​ഗോവിന്ദ ​ഗോവിന്ദ എന്നിവയാണ് ഭാവനയുടെ പുതിയ ചിത്രങ്ങൾ.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com