സ്കൂളിൽ പോകുന്ന ആദ്യ ദിനം തന്നെ പിണങ്ങി മുഖം വീർപ്പിച്ച് നിൽക്കുകയാണ് മലയാളത്തിലെ പ്രശസ്തയായ ഒരു നടി. അമ്മ നെറ്റിയിൽ പതിപ്പിച്ച പൊട്ട് ഇഷ്ടപ്പെടാത്തതുകൊണ്ടാണ് ഈ കരച്ചിൽ. സഹോദരിക്കൊപ്പം സ്കൂളിൽ പോകാൻ ഒരുങ്ങി നിൽക്കുന്നത് മറ്റാരുമല്ല നടി ഗൗതമി നായരാണ്.
ലാല്ജോസ് ചിത്രം ഡയമണ്ട് നെക്ക്ലെസിലൂടെ അഭിനയത്തിലേക്കെത്തിയ നടിയാണ് ഗൗതമി. താരം തന്നെയാണ് തന്റെ കുട്ടിക്കാല ചിത്രം ആരാധകരുമായി പങ്കുവച്ചത്. അന്നും ഇന്നും താൻ ഒരു ഡ്രാമാക്വീൻ തന്നെയാണെന്ന് കുറിച്ചാണ് താരം ചിത്രം പങ്കുവച്ചിരിക്കുന്നത്. സഹോദരി ഗായത്രിയാണ് ചിത്രത്തിൽ ഒപ്പമുള്ളത്.
നായികയായി എത്തിയ ഗൗതമി സംവിധായികയായുള്ള ചുവടുമാറ്റത്തിലാണ് ഇപ്പോൾ. നടി ആദ്യമായി സംവിധാനം ചെയ്യുന്ന വൃത്തം എന്ന സിനിമ അണിയറയിൽ ഒരുങ്ങുകയാണ്.സണ്ണി വെയ്നാണ് ചിത്രത്തിലെ നായകന്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ