തെന്നിന്ത്യയിലെ ഹിറ്റ് സംഗീത സംവിധായകരിൽ ഒരാളാണ് യുവൻ ശങ്കർ രാജ. അദ്ദേഹത്തിന്റെ സംഗീതം മാത്രമല്ല ജീവിതവും എപ്പോഴും വിവാദങ്ങളിൽ നിറയാറുണ്ട്. അദ്ദേഹത്തിന്റെ ദാമ്പത്യജീവിതവും മതംമാറ്റവുമെല്ലാം ആരാധകർക്കിടയിൽ ചർച്ചയാവാറുണ്ട്. വിഖ്യാത സംഗീതഞ്ജൻ ഇളയരാജയുടെ മകനായാണ് ജനിച്ചതെങ്കിലും ഇസ്ലാം മതത്തിലേക്ക് മാറി അബ്ദുൾ ഖാലിഖായി ജീവിക്കുകയാണ് അദ്ദേഹം. സാഫ്റൂൺ നിസാറാണ് യുവന്റെ ഭാര്യ. സാഫ്റൂണിനെ പ്രണയിച്ചതിനാലാണ് യുവൻ മതം മാറിയതെന്ന തരത്തിൽ വാർത്തകൾ പ്രചരിച്ചിരുന്നു. ഇപ്പോൾ അതിന് മറുപടിയുമായി രംഗത്തെത്തിയിരിക്കുകയാണ് ഭാര്യ.
തങ്ങൾ കണ്ടുമുട്ടുന്നതിനും മൂന്ന് വർഷം മുമ്പേ യുവൻ ഇസ്ലാമിലേക്ക് മതം മാറിയിരുന്നെന്നാണ് സാഫ്റൂൺ പറഞ്ഞത്. ഇൻസ്റ്റാഗ്രാമിൽ സംവദിക്കവെയാണ് താൻ നിർബന്ധിച്ചാണോ യുവനെ മതം മാറ്റിയതെന്ന ചോദ്യത്തിന് സാഫ്റൂൺ മറുപടി നൽകിയത്. തങ്ങൾ സന്തോഷത്തോടെയാണ് ജീവിക്കുന്നതെന്നും ഇനിയും വിശ്വാസമാകാത്തവരോട് ഒരു നാൾ യുവനെ ലൈവിൽ കൊണ്ടുവരാമെന്നും നേരിട്ട് ചോദിച്ചോളാനും സാഫ്റൂൺ വ്യക്തമാക്കി. ഇരുവർക്കും സിയ എന്ന് പേരുള്ള മകളുമുണ്ട്.
യുവന്റെ മൂന്നാം വിവാഹത്തിലെ ഭാര്യയാണ് സാഫ്റൂൺ. 2005 ലായിരുന്നു കാമുകി സുജയ ചന്ദ്രനെ യുവൻ വിവാഹം ചെയ്തത്. 2008-ൽ ഇരുവരും വിവാഹമോചിതരായി. തുടർന്ന് 2011-ൽ ശിൽപയെ വിവാഹം ചെയ്തു. തിരുപ്പതിയിലാണ് വിവാഹ ചടങ്ങുകൾ നടന്നത്. 2014 ലാണ് താൻ ഇസ്ലാം മതം സ്വീകരിച്ചതായും അബ്ദുൾ ഖാലിക് എന്ന പേര് സ്വീകരിച്ചതായും യുവൻ വ്യക്തമാക്കിയത്. തുടർന്ന് 2015 ലാണ് സാഫ്റൂൺ നിസാറിനെ വിവാഹം ചെയ്യുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ