പുതിയ സിനിമയുടെ പോസ്റ്റർ പങ്കുവെക്കാൻ തെലുഗു നടൻ മഹേഷ് ബാബു തിരഞ്ഞെടുത്തത് അച്ഛന്റെ ജന്മദിനം. നടൻ കൃഷ്ണയുടെ ജന്മദിനത്തിലാണ് മകൻ വ്യത്യസ്തമായ ഒരു പിറന്നാൾ ആശംസയുമായി എത്തിയത്. സർക്കാരു വാരി പാട്ട എന്ന ചിത്രത്തിന്റെ പോസ്റ്ററാണ് പുറത്തുവിട്ടിരിക്കുന്നത്.
'ഇതാ സർക്കാരു വാരി പാട്ടയുടെ ആദ്യ അറിയിപ്പ്. മറ്റൊരു ഹാട്രിക്ക് ബ്ലോക്ക്ബസ്റ്ററിന്റെ തുടക്കം', എന്ന് കുറിച്ചാണ് പോസ്റ്റർ പങ്കുവച്ചിരിക്കുന്നത്.
ഗീത ഗോവിന്ദം എന്ന സിനിമയുടെ സംവിധായകൻ പരശുറാം തിരക്കഥയെഴുതി സംവിധാനം ചെയ്യുന്ന ചിത്രമാണ് സർക്കാരു വാരി പാട്ട. കഴുത്തിൽ ഒരു രൂപ നാണയത്തിന്റെ ടാറ്റൂ ചെയ്താണ് മഹേഷ് ബാബുവിന്റെ പോസ്റ്ററിലെ ലുക്ക്. അധികം വിവരങ്ങൾ പുറത്തുവിടാത്ത രീതിയിലാണ് പോസ്റ്റിന്റെ രൂപകല്പന. പോസ്റ്റർ പുറത്തുവിട്ടതിന് പിന്നാലെ വലിയ പ്രതീക്ഷയിലാണ് മഹേഷ് ബാബു ആരാധകർ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ