വിഷ്ണു ഉണ്ണികൃഷ്ണൻ, സാനിയ അയ്യപ്പൻ എന്നിവർ പ്രധാന വേഷങ്ങളിലെത്തുന്ന 'കൃഷ്ണൻകുട്ടി പണി തുടങ്ങി' എന്ന പുതിയ സിനിമ ഈ മാസം ആരംഭിക്കുന്നു. കോമഡി ഹൊറർ ത്രില്ലർ ഗണത്തിലുള്ള ഈ ചിത്രം സൂരജ് ടോം ആണ് സംവിധാനം ചെയ്യുന്നത്. ഹോം നഴ്സ് ആയ ഉണ്ണികണ്ണൻ്റെ ജീവിതത്തിൽ അപ്രതകീക്ഷിതമായി സംഭവിക്കുന്ന ചില കാര്യങ്ങളാണ് ചിത്രത്തിൻ്റെ ഇതിവൃത്തം.
ചിത്രത്തിന് കഥ, തിരക്കഥ, സംഭാഷണം എന്നിവ ഒരുക്കുന്നത് ആനന്ദ് മധുസൂദനനാണ്. നാഷണൽ അവാർഡ് ജേതാവായ ജെസ്റ്റിൻ ജോസാണ് ചിത്രത്തിനായി സൗണ്ട് ഡിസൈനിംഗ് നിർവ്വഹിക്കുന്നത്. പെപ്പർ കോൺ സ്റ്റുഡിയോസിന്റെ ബാനറിൽ നോബിൾ ജോസാണ് നിർമാണം.
ആദ്യ ചിത്രമായ ക്വീനിന് ശേഷം സാനിയ നായികയായി എത്തുന്ന ചിത്രമാണ് കൃഷ്ണൻകുട്ടി പണി തുടങ്ങി. കട്ടപ്പനയിലെ ഋതിക് റോഷൻ, നിത്യഹരിത നായകൻ എന്നീ സിനിമകൾക്ക് ശേഷം വിഷ്ണു കേന്ദ്ര കഥാപാത്രമായി എത്തുന്നതും ഈ സിനിമയിലാണ്. നവംബർ 23 ന് സിനിമയുടെ ചിത്രീകരണം തൊടുപുഴയിൽ ആരംഭിക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
