ഹിന്ദി-ഇംഗ്ലിഷ് സിനിമയിൽ പ്രധാന കഥാപാത്രത്തെ അവതരിപ്പിക്കാനൊരുങ്ങുകയാണ് മലയാളത്തിന്റെ പ്രിയനടി പൂർണിമ ഇന്ദ്രജിത്ത്. ദേശീയ ചലച്ചിത്ര പുരസ്കാര ജേതാവ് സച്ചിൻ കുന്ദൽക്കറിന്റെ 'കൊബാൾട്ട് ബ്ലൂ' ആണ് ചിത്രം. അതേ പേരിലുള്ള സച്ചിൻ കുന്ദൽക്കറിന്റെ പുസ്തകത്തെ അധികരിച്ചുള്ളതാണ് സിനിമ.
2006ൽ മറാത്തിയിൽ പുറത്തിറങ്ങിയ നോവലാണ് 'കൊബാൾട്ട് ബ്ലൂ'. തനയ്, അനുജ എന്ന രണ്ട് സഹോദരിമാരുടെ കഥയാണ് നോവൽ പറയുന്നത്. ഇവരുടെ വീട്ടിൽ പേയിങ് ഗസ്റ്റ് ആയി താമസിക്കാനെത്തുന്ന യുവാവുമായി ഇരുവരും പ്രണയത്തിലാകുന്നു. ലൈംഗികത, സമൂഹം തുടങ്ങിയ വിഷയങ്ങളെ നോവലിൽ പ്രതിപാദിക്കുന്നു.
പൂർണിമയുടെ ആദ്യ ബോളിവുഡ് ചിത്രമാകും 'കൊബാൾട്ട് ബ്ലൂ'. പ്രതീക് ബബ്ബർ ആണ് ചിത്രത്തിലെ നായകൻ. സിനിമയിലെ ഏക മലയാളി സാന്നിധ്യമാണ് പൂർണിമ. കൊച്ചിയിൽ നടക്കുന്ന ചിത്രത്തിന്റെ ഷൂട്ടിങ് സെറ്റിലെ ദീപാവലി ആഘോഷത്തിൻരെ ചിത്രങ്ങൾ പൂർണിമ ഇൻസ്റ്റഗ്രാമിൽ പങ്കുവച്ചിട്ടുണ്ട്.
വിവാഹത്തോടെ സിനിമകളിൽ നിന്ന് ഇടവേളയെടുത്ത പൂർണിമ 'വൈറസ്' എന്ന ചിത്രത്തിലൂടെയാണ് അഭിനയത്തിലേക്ക് തിരിച്ചെത്തിയത്. നിവിൻ പോളി കേന്ദ്ര കഥാപാത്രത്തെ അവതരിപ്പിക്കുന്ന രാജീവ് രവി ചിത്രം തുറമുഖമാണ് ഇനി പൂർണിമയുടെ പുറത്തിറങ്ങാനുള്ള ചിത്രം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ