ചെന്നൈ: കാന്സര് ബാധിച്ച് ചികിത്സയില് കഴിയുന്ന തമിഴ് നടന് തവാസിയുടെ ആശുപത്രി ചെലവുകള് പൂര്ണമായി ഏറ്റെടുത്ത് എംഎല്എ ഡോ.പി ശരവണന്. മധുരയിലെ മള്ട്ടി സ്പെഷ്യാലിറ്റി ആശുപത്രിയിലാണ് നടന് ചികിത്സയിലുള്ളത്.
ചികിത്സയ്ക്ക് പണമില്ലാത്തതിനെ തുടര്ന്ന് നടന് സഹായമഭ്യര്ഥിച്ചിരുന്നു. സാമ്പത്തിക പ്രശ്നങ്ങള് രൂക്ഷമായതിനെ തുടര്ന്ന് ചികിത്സയ്ക്ക് നിവൃത്തിയില്ലാത്ത സാഹചര്യത്തിലായിരുന്നു അദ്ദേഹത്തിന്റെ മകന് സഹായമഭ്യര്ഥിച്ച് രംഗത്തെത്തിയത്. ശ
ശിവകാര്ത്തികേയന് ചിത്രം വരുതപടാത്ത വാലിബര് സംഘം എന്ന ചിത്രത്തിലൂടെ ശ്രദ്ധ നേടിയ നടനാണ് തവാസി. ജ്യോത്സ്യന്റേയോ പൂജാരിയുടേയോ വേഷങ്ങളാണ് ഒട്ടുമിക്ക സിനിമകളിലും അദ്ദേഹം അവതരിപ്പിച്ചത്. തവാസിയുടെ പ്രശ്നത്തില് നടികര് സംഘം ഇടപെടണമെന്നും ചികിത്സ ലഭ്യമാക്കണമെന്നും സമൂഹ മാധ്യമങ്ങള് ആവശ്യപ്പെട്ടിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ