നടി ആശാ ശരത്തിന്റെ മകൾ ഉത്തര ശരത്തും അഭിനയരംഗത്തേയ്ക്ക്. ഖെദ്ദ എന്ന ചിത്രത്തിലൂടെയാണ് ഉത്തര ആദ്യമായി ക്യാമറയ്ക്ക് മുന്നിലെത്തുന്നത്. അമ്മയ്ക്കൊപ്പമാണ് ഉത്തരയുടെ അരങ്ങേറ്റം. ചിത്രത്തിന്റെ ഷൂട്ടിങ് ആലപ്പുഴയിൽ ആരംഭിച്ചു.
സംസ്ഥാന പുരസ്കാര ജേതാവായ മനോജ് കാന ഒരുക്കുന്ന ചിത്രമാണ് ഖെദ്ദ. ആശാശരത്തിനും ഉത്തരയ്ക്കും പുറമേ അനുമോൾ, സുധീർ കരമന, സുദേവ് നായർ, ജോളി ചിറയത്ത് തുടങ്ങിയവരും ചിത്രത്തിൽ വേഷമിടുന്നു. ബെൻസി പ്രൊഡക്ഷൻസിന്റെ ബാനറിൽ ബെൻസി നാസറാണ് നിർമാണം.
രാജ്യാന്തര ചലച്ചിത്ര മേളയിൽ പുരസ്കാരം നേടിയ ചായില്യം, സംസ്ഥാന ചലച്ചിത്ര പുരസ്കാരം നേടിയ അമീബ എന്നിവയാണ് മനോജ് കാന സംവിധാനം ചെയ്ത മറ്റു ചിത്രങ്ങൾ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ