ഗൗതം മേനോൻ, സുധ കൊങ്കാര, വെട്രിമാരൻ, വിഘ്‌നേഷ് ശിവൻ എന്നീ നാല് സംവിധായകർ ചേർന്നൊരുക്കുന്ന പാവ കഥൈകളുടെ ടീസർ പുറത്തുവിട്ടു. നെറ്റ്ഫ്ലിക്സാണ് ചിത്രം പുറത്തിറക്കുന്നത്. സായി പല്ലവി, അഞ്ജലി, ഭവാനി ശ്രീ, ഗൗതം വാസുദേവ് മേനോൻ, ഹരി, കാളിദാസ് ജയറാം, ശന്തനു ഭാഗ്യരാജ്, സിമ്രാൻ, കൽകി കൊച്ച്‌ലിൻ, പദം കുമാർ, പ്രകാശ് രാജ് എന്നിവരാണ് ഈ തമിഴ് ആന്തോളജി ചിത്രത്തിൽ അഭിനയിക്കുന്നത്.
റോണി സ്ക്രൂവാലയുടെ ആർ‌എസ്‌വി‌പി മൂവിസും ആഷി ദുവ സാറയുടെ ഫ്ലൈയിംഗ് യൂണികോൺ എന്റർ‌ടൈൻ‌മെൻറും ചേർന്നാണ് ചിത്രം നിർമ്മിക്കുന്നത്. നേരത്തെ ഗൗതം മേനോനും സുധ കൊങ്കാരയും ഒന്നിച്ച പുത്തം പുതു കാലൈ എന്ന ചിത്രം ഏറെ ശ്രദ്ധനേടിയിരുന്നു. മുമ്പ് നിരവധി ആന്തോളജി ചിത്രങ്ങൾ നിർമ്മിച്ചിട്ടുള്ള നെറ്റ്ഫ്ളിക്സിന്റെ തമിഴിലെ ആദ്യ ആന്തോളജി സംരംഭമാണ് ഇത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
