അടുത്തിടെയാണ് തന്റെ പുതിയ ചിത്രം ഇശ്വരനുവേണ്ടി ചിമ്പു തടി കുറച്ചത്. ലോക്ക്ഡൗണിനെ തുടർന്ന് താരത്തിന്റെ ശരീരഭാരം 100 ന് മുകളിൽ പോയിരുന്നു. ചിത്രം ആരംഭിക്കാൻ സമയമായതോടെ വളരെ അധികം കഷ്ടപ്പെട്ടാണ് താരം തടി കുറിച്ചത്. ഇത് ആരാധകരെ അമ്പരപ്പിച്ചിരുന്നു. എന്നാൽ മകന്റെ കഠിനാധ്വാനത്തിന് പകരമായി വമ്പൻ സമ്മാനം നൽകിയിരിക്കുകയാണ് സിമ്പുവിന്റെ അമ്മ ഉഷ രാജേന്ദ്രൻ.
മകന്റെ ഇഷ്ട വാഹനമായ മിനി കൂപ്പറാണ് അമ്മ സമ്മാനിച്ചത്. മാസങ്ങളോളം നീണ്ട മകന്റെ കഠിനാധ്വാനത്തിൽ മനസു നിറഞ്ഞാണ് അമ്മ കാർ വാങ്ങി നൽകിയത്. താരത്തിന്റെ പിആർ പുറത്തുവിട്ട പത്രക്കുറിപ്പിലൂടെയാണ് സമ്മാനത്തേക്കുറിച്ചുള്ള വിവരം പങ്കുവെച്ചത്. ബ്രിട്ടീഷ് റേസിങ് ഗ്രീൻ നിറത്തിലുള്ള വാഹനമാണ് നൽകിയത്. കുറച്ചുദിവസങ്ങള്ക്ക് മിനി കൂപ്പര് കാര് ചിമ്പുവിന്റെ വീട്ടിലെത്തിച്ചു. ബോണറ്റില് റോസാപ്പൂക്കള് കൊണ്ട് അലങ്കരിച്ച കാറിന് സമീപം നിൽക്കുന്ന ഉഷ രാജേന്ദ്രന്റെ ഫോട്ടോയും പുറത്തുവന്നു.
വ്യത്യസ്ത ലുക്കിൽ എത്തുന്ന ഈശ്വരൻ സംവിധാനം ചെയ്യുന്നത് സുശീന്ദ്രനാണ്. ചിത്രത്തിന്റെ ഷൂട്ടിങ് പൂർത്തിയാക്കി. ഇപ്പോൾ വെങ്കട് പ്രഭു സംവിധാനം ചെയ്യുന്ന മാനാടിന്റെ തിരക്കുകളിലാണ് താരം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ