ആരാധകരിൽ ചിരിയുണർത്തുന്ന ഒരു ചിത്രവുമായി എത്തിയിരിക്കുകയാണ് ഗായകൻ വിധു പ്രതാപും നർത്തകിയും വിധുവിന്റെ ജീവിത പങ്കാളിയുമായ ദീപ്തിയും. ഇടവേളയ്ക്ക് ശേഷം തിരിച്ചെത്തിയ ഫെയ്സ് ആപ്പ് ഉപയോഗിച്ച് കുട്ടികളെ പോലെ രൂപം മാറ്റുന്ന പുതിയ 'ട്രെന്റ്' പിന്തുടരുകയാണ് ഇരുവരും. ഈ ചിത്രമാണ് ഇപ്പോൾ സോഷ്യൽ മീഡിയയിൽ ചിരിയുണർത്തുകയാണ്.
'ഓരോരോ ആപ്പുകളേ...' എന്ന അടിക്കുറിപ്പോടെ വിധുവാണ് രണ്ട് ഫോട്ടോകൾ പങ്കുവച്ചിരിക്കുന്നത്. എന്തായാലും ഇരുവരുടെയും കുട്ടി ചിത്രം ആരാധകർ ഏറ്റെടുത്തു കഴിഞ്ഞു.
വിധുവും ദീപ്തിയും സമൂഹ മാധ്യമങ്ങളിൽ വളരെ സജീവമാണ്. നേരത്തെ ടിക്ക്ടോക്ക് വീഡിയോയുമായി എത്തി ഇരുവരും കാഴ്ചക്കാരെ ഏറെ ചിരിപ്പിച്ചിരുന്നു. ലോക്ക്ഡൗൺ കാലത്ത് എങ്ങനെ ക്രിയാത്മകമായി സമയം ചെലവഴിക്കാം എന്നതിനെ കുറിച്ച് ഇരുവരും നടത്തിയ ചർച്ചയുടെ വീഡിയോയും നേരത്തെ വൈറലായി മാറിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ