ഏറെ കാത്തിരിപ്പിനൊടുവിൽ നടൻ കുഞ്ചാക്കോ ബോബന്റെ ജീവിതത്തിലേക്കെത്തിയ ഇസ എന്ന സന്തോഷം ആരാധകർക്കും ഏറെ പ്രിയപ്പെട്ടതാണ്. ഇസഹാക്കിനെ ചുറ്റിപ്പറ്റിയാണ് ഇപ്പോൾ ചാക്കോച്ചന്റെയും പ്രിയയുടെയും ലോകം. ലോക്ക്ഡൗൺ കാലത്ത് മകനൊപ്പം കൂടുതൽ സമയം ചെലവഴിക്കാൻ ആയതിന്റെ സന്തോഷം പലപ്പോഴായി ചാക്കോച്ചൻ പങ്കുവച്ചിട്ടുണ്ട്.
ഇപ്പോഴിതാ ഇസഹാക്കിന്റെ ഒരു പുത്തൻ ചിത്രമാണ് താരം പങ്കുവച്ചിരിക്കുന്നത്. ഇസഹാക്ക് ബാൽക്കണിയിൽ നിന്ന് കാഴ്ചകൾ കാണുന്ന ഒരു ചിത്രമാണ് ഇത്. കരാട്ടെ പൊസിഷനിൽ നിൽക്കുന്ന കുട്ടിക്കുറുമ്പനെ 'കരാട്ടെ കിഡ്' എന്നാണ് താരം വിശേഷിപ്പിച്ചിരിക്കുന്നത്.
കഴിഞ്ഞ വര്ഷം ഏപ്രില് 16നാണ് ഇസഹാക്ക് ജനിച്ചത്. 2005 ലാണ് കുഞ്ചാക്കോ ബോബനും പ്രിയയും വിവാഹിതരാകുന്നത്. 14-ാം വിവാഹവാർഷികം ആഘോഷിച്ചതിന് പിന്നാലെയാണ് ഇരുവരുടെയും ജീവിതത്തിലേക്ക് സന്തോഷമായി ഇസ കടന്നുവന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ