നടൻ പ്രഭുവിന് കോവിഡ് സ്ഥിരീകരിച്ചെന്ന തരത്തിൽ പ്രചരിച്ച വാർത്തകൾക്ക് പിന്നിലെ വാസ്തവം വെളിപ്പെടുത്തി നടൻ. ആരോഗ്യനിലയില്‍ പ്രശ്‍നങ്ങളൊന്നും ഇല്ലെന്നും താൻ കോവിഡ് രോഗ ബാധിതനല്ലെന്നും പ്രഭു അറിയിച്ചു.
ശിവാജി ഗണേശന്റെ ഓര്‍മ ചടങ്ങില്‍ പ്രഭു പങ്കെടുക്കാതിരുന്നതിന് പിന്നാലെയാണ് നടന്റെ ആരോഗ്യനില മോശമാണ് എന്ന തരത്തില്‍ വാര്‍ത്തകള്‍ പ്രചരിച്ചത്. ശിവാജി ഗണേശന്റെ തൊണ്ണൂറ്റിരണ്ടാമത് ജന്മവാര്‍ഷിക പ്രമാണിച്ച് നടന്ന ചടങ്ങിൽ തമിഴ്‍നാട് ഉപമുഖ്യമന്ത്രി പനീര്‍ശെല്‍വം അടക്കമുള്ള പ്രമുഖർ പങ്കെടുത്തിരുന്നു. എന്നാൽ ചടങ്ങിൽ നിന്ന് വിട്ടുനിന്നതിനാലാണ് പ്രഭുവിന് കോവിഡ് ബാധിച്ചെന്ന് വാര്‍ത്തകള്‍ വന്നത്.
പ്രഭുവിന്റെ മകൻ വിക്രം പ്രഭുവും ചടങ്ങിന് എത്താതിരുന്നതിനാല്‍ ഇവര്‍ ഹോം ക്വാറന്റൈനിലാണ് എന്നായിരുന്നു അഭ്യൂഹങ്ങള്‍. അതേസമയം നനഞ്ഞ തറയിലൂടെ നടക്കുമ്പോള്‍ കണങ്കാലിന് പരുക്കേറ്റതാണ് ചടങ്ങില്‍ നിന്ന് വിട്ടുനില്‍ക്കാൻ കാരണമെന്നാണ് പ്രഭു പറയുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
