ഗായകനായിട്ടാണ് വിജയ് യേശുദാസിനെ നമ്മൾ ആദ്യം കാണുന്നത്. അതിന് പിന്നാലെ നടനായെത്തി അദ്ദേഹം ഞെട്ടിച്ചു. ഇപ്പോൾ ഇതാ പുതിയ റോളിൽ തിളങ്ങാൻ ഒരുങ്ങുകയാണ് താരം. സംരംഭകന്റെ വേഷമാണ് അദ്ദേഹം ഇപ്പോൾ അണിഞ്ഞിരിക്കുന്നത്. പുരുഷൻമാര്ക്കായുള്ള ബ്യൂട്ടി സലൂണ് ആരംഭിച്ചിരിക്കുകയാണ് വിജയ്. ചോപ് ഷോപ്പ് കൊച്ചി എന്നാണ് പേരു നൽകിയിരിക്കുന്നത്.
അടുത്ത സുഹൃത്തുക്കളായ വിജയ്, അനസ് നസിര് തുടങ്ങിയവര്ക്ക് ഒപ്പമാണ് വിജയ് യേശുദാസ് പുതിയ സംരഭം തുടങ്ങുന്നത്. ഓഗസ്റ്റ് മധ്യത്തോടെ കൊച്ചിയിലായിരിക്കും ഇതിന് ഔപചാരിക തുടക്കം കുറിക്കുക. ഇപ്പോള് കൊച്ചിയില് പനമ്പള്ളി നഗറില് ആദ്യ ശാഖയുടെ പ്രവര്ത്തനം ആരംഭിച്ചിട്ടുണ്ട്. ദക്ഷിണേന്ത്യയില് പല ബ്രാഞ്ചുകള് തുടങ്ങാനുമാണ് തീരുമാനം.
കോവിഡിന്റെ സാഹചര്യത്തിൽ എല്ലാ മുൻകരുതലും സ്വീകരിച്ചുകൊണ്ടാണ് ഷോപ്പിന്റെ പ്രവർത്തനം. പുരുഷ സൗന്ദര്യ സങ്കല്പ്പങ്ങള്ക്ക് വേണ്ടതെല്ലാം ഒരു കുടക്കീഴില് എന്നതാണ് വിജയ് യേശുദാസ് ലക്ഷ്യമിടുന്നത്. ഹെയര് സ്റ്റൈല്, വരന്റെ എല്ലാവിധ മേയ്ക്കപ്പ്, മസാജ്, ഫേഷ്യല് തുടങ്ങിയ സേവനകളും കൊച്ചിയില് തുടങ്ങുന്ന ഷോപ്പില് ലഭ്യമാകും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ