കോവിഡ് വ്യാപനത്തെ തുടർന്ന് കഴിഞ്ഞ കുറച്ചു മാസങ്ങളായി ഭൂരിഭാഗം പേരും വീടിനുള്ളിലാണ്. യാത്രകളെ സ്നേഹിക്കുന്ന നിരവധി പേർക്ക് തങ്ങളുടെ സ്വപ്ന യാത്രകൾ മാറ്റിവയ്ക്കേണ്ടിവന്നു. നീണ്ടനാളത്തെ അനിശ്ചിതത്വത്തിന് ശേഷം ഇപ്പോൾ പതിയ ജീവിതത്തിലേക്ക് തിരിച്ചു കയറുകയാണ് ഒരു കൂട്ടർ. ചെറിയ യാത്രകളെല്ലാം നടത്തി സന്തോഷം വീണ്ടെടുക്കാൻ അവർ ശ്രമിക്കുന്നുണ്ട്. സെലിബ്രിറ്റികളാണെങ്കിൽ വലിയ വെക്കേഷൻ സ്വപ്നങ്ങളെല്ലാം ഒഴിവാക്കി അടുത്ത സ്ഥലങ്ങളുടെ ഭംഗി തേടി പോവുകയാണ്. അടുത്തിടെ താൻ നടത്തിയ യാത്രയുടെ ചിത്രങ്ങൾ പങ്കുവെക്കുകയാണ് നടി കനിഹ.
ചെന്നൈയിലെ മഹാബലിപുരത്തെ ബീച്ചിലാണ് താരം കുടുംബത്തിനൊപ്പം പോയത്. കടലിൽ കളിക്കുന്നതിന്റേയും മകനൊപ്പവുമുള്ള ചിത്രങ്ങളും താരം പങ്കുവെച്ചിട്ടുണ്ട്. മഞ്ഞ സ്ലീവ് ലസ് ടോപ്പിൽ അതിസുന്ദരിയാണ് താരം. മനോഹരമായ അടിക്കുറിപ്പിനൊപ്പമാണ് താരം ചിത്രം പോസ്റ്റ് ചെയ്തിരിക്കുന്നത്. ജീവിതം സമുദ്രം പോലെയാണ്. വേലിയേറ്റവും വേലിയിറക്കവുമുള്ള സമുദ്രം, അതൊക്കെ താണ്ടി മുന്നോട്ടുപോകണം- കനിഹ കുറിച്ചു.
ആഴ്ചകൾക്ക് മുൻപ് താരം കൊടൈക്കനാലിലേക്ക് യാത്ര പോയിരുന്നു. ഭർത്താവിനും മകനുമൊപ്പമുള്ള യാത്രയുടെ മനോഹരമായ ചിത്രങ്ങൾ താരം പങ്കുവെച്ചു. സോഷ്യൽ മീഡിയയിൽ ആക്റ്റീവായ താരം തന്റെ വിശേഷങ്ങളെല്ലാം ആരാധകരുമായി പങ്കുവെക്കാറുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
