കരഞ്ഞുതളർന്ന് ക്യാമറയ്ക്ക് മുന്നിൽ സങ്കടം പറഞ്ഞെത്തിയ സജന ഷാജിയാണ് സോഷ്യൽ മീഡിയയിൽ നിറയുന്നത്. ബിരിയാണി വിറ്റ് സ്വന്തം കാലിൽ നിൽക്കാൻ ശ്രമിച്ച ട്രാൻസ്ജെൻഡറായ സജനയ്ക്ക് നേരിടേണ്ടി വന്ന ദുരവസ്ഥ കണ്ണുനിറയ്ക്കുന്നതാണ്. വഴിയോരക്കച്ചവടം ചിലർ മുടക്കിയതോടെ ഉണ്ടാക്കിയ ഭക്ഷണമെല്ലാം വീട്ടിലേക്ക് മടക്കികൊണ്ടുവരേണ്ടിവന്നു.
കുടുക്കപൊട്ടിച്ചുവരെ കണ്ടെത്തിയ പണം ഉപയോഗിച്ചാണ് സജന കച്ചവടം തുടങ്ങിയത്. കൊച്ചിയിൽ കച്ചവടത്തിന് ഇറങ്ങിയ സജനയെയും കൂട്ടുകാരെയും മറ്റ് വഴിയോര കച്ചവടക്കാർ ശാരീരികമായും മാനസികമായും തളർത്തി. ഇതോടെ പൊതിഞ്ഞെടുത്ത ഭക്ഷണമെല്ലാം തിരികെ വീട്ടിലേക്ക് കൊണ്ടുവരേണ്ടിവന്നു. ഇപ്പോഴിതാ സജനയ്ക്ക് പിന്തുണയുമായി എത്തിയിരിക്കുകയാണ് നടൻ ജയസൂര്യ. സജനയ്ക്ക് ബിരിയാണിക്കട തുടങ്ങാൻ ജയസൂര്യ സാമ്പത്തികസഹായം നൽകും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
