മലയാളി താരം പ്രിയ വാര്യർ ആദ്യമായി അഭിനയിക്കുന്ന ബോളിവുഡ് ചിത്രം ശ്രീദേവി ബംഗ്ലാവിന്റെ ട്രെയിലർ പുറത്ത്. ബോളിവുഡ് സൂപ്പർതാരമായാണ് ചിത്രത്തിൽ പ്രിയ എത്തുന്നത്. അവരുടെ പ്രണയവും സംഘർഷങ്ങളുമെല്ലാമാണ് ചിത്രത്തിൽ കാണിക്കുന്നത്. ത്രില്ലർ രീതിയിലുള്ളതാണ് ചിത്രത്തിന്റെ ട്രെയിലർ.
മലയാളിയായ പ്രശാന്ത് മാമ്പുള്ളിയാണ് ചിത്രം സംവിധാനം ചെയ്യുന്നത്. ബോളിവുഡിലെ പ്രമുഖ താരങ്ങളായ അസീം അലി ഖാൻ, അർബാസ് ഖാൻ എന്നിവർ പ്രധാന വേഷത്തിൽ എത്തുന്നുണ്ട്. കൂടാതെ പ്രിയാൻഷു ചാറ്റർജി, മുകേഷ് റിഷി എന്നിവരാണ് ചിത്രത്തിലെ മറ്റു താരങ്ങൾ.
അന്തരിച്ച നടി ശ്രീദേവിയുടെ ജീവിതവുമായി ഈ സിനിമയ്ക്ക് ബന്ധമുണ്ട് എന്ന അഭ്യൂഹങ്ങൾ ചിത്രത്തെ വിവാദത്തിൽ നിറച്ചിരുന്നു. പേരു പോലെ ബാത്ത്ടബ്ബിൽ കിടക്കുന്ന പ്രിയയുടെ ചിത്രം പുറത്തുവന്നതോടെ വിവാദങ്ങൾക്ക് കാരണമായിരുന്നു. തുടർന്ന് ശ്രീദേവിയുടെ ഭര്ത്താവും നിര്മാതാവുമായ ബോണി കപൂര് ചിത്രത്തിന്റെ അണിയറ പ്രവര്ത്തകര്ക്ക് വക്കീല് നോട്ടീസ് അയക്കുകയും ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ