ടൊവിനോയുടെ നായികയായി ഐശ്വര്യ വീണ്ടും; ഉയരെയ്ക്ക് ശേഷം 'കാണെക്കാണെ'യുമായി മനു അശോകൻ; പോസ്റ്റർ

ഉയരെയിലെ പോലെ ബോബി സഞ്ജയ് ടീമാണ് ചിത്രത്തിന് തിരക്കഥ ഒരുക്കുന്നത്.
ടൊവിനോയുടെ നായികയായി ഐശ്വര്യ വീണ്ടും; ഉയരെയ്ക്ക് ശേഷം 'കാണെക്കാണെ'യുമായി മനു അശോകൻ; പോസ്റ്റർ

സൂപ്പർഹിറ്റായി മാറിയ ഉയരെക്കു ശേഷം പുതിയ സിനിമ പ്രഖ്യാപിച്ച് സംവിധായകൻ മനു അശോകൻ. ഉയരെയിലെ പോലെ ബോബി സഞ്ജയ് ടീമാണ് ചിത്രത്തിന് തിരക്കഥ ഒരുക്കുന്നത്. കാണെക്കാണെ എന്ന് പേരു നൽകിയിരിക്കുന്ന ചിത്രത്തിൽ ടൊവിനോ തോമസും ഐശ്വര്യ ലക്ഷ്മിയുമാണ് മുഖ്യവേഷത്തിൽ എത്തുന്നത്. ചിത്രത്തിന്റെ ടൈറ്റിൽ പോസ്റ്റർ പുറത്തുവിട്ടു. 

മരച്ചില്ലകൾക്കിടയിൽ കുടുങ്ങിക്കിടക്കുന്ന ചോര പറ്റിയ വെളുത്ത ഷോളാണ് പോസ്റ്ററിൽ. 'ആസ് യു വാച്ച്' എന്ന ടാഗ്‌ലൈനോടുകൂടി പുറത്തിറങ്ങിയ പോസ്റ്റർ  പേരിന്റെ വ്യത്യസ്ഥത കൊണ്ട് സമൂഹ മാധ്യമങ്ങളിൽ ചർച്ചയായി. സുരാജ് വെഞ്ഞാറമൂട്, ശ്രുതി രാമചന്ദ്രൻ എന്നിവരാണ് മറ്റു പ്രധാന വേഷങ്ങളിൽ എത്തുന്നത്. ‌സൂപ്പർഹിറ്റായി മാറിയ മായാനദിയ്ക്ക് ശേഷം ടൊവിനോയും ഐശ്വര്യയും ഒന്നിക്കുന്ന ചിത്രം എന്ന പ്രത്യേകതയും കാണെക്കാണെയ്ക്കുണ്ട്.

1983, ക്വീൻ എന്നീ ബ്ലോക്ക്ബസ്റ്റർ ചിത്രങ്ങൾ മലയാള സിനിമക്ക് സമ്മാനിച്ച ടി ആർ ഷംസുദ്ധീനാണ് സിനിമ നിർമിക്കുന്നത്. ആൽബി ആന്റണി ഛായാഗ്രഹണം നിർവഹിക്കുന്ന കാണെക്കാണെയുടെ എഡിറ്റർ അഭിലാഷ് ബാലചന്ദ്രനാണ്. വിനായക് ശശികുമാറിന്റെ വരികൾക്ക് രഞ്ജിൻ രാജ് ആണ് സംഗീതം നൽകുന്നത്. സൗണ്ട് ഡിസൈൻ വിഷ്ണു ഗോവിന്ദ്, ശ്രീ ശങ്കർ.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com