സൽമാൻ ഖാൻ തന്നെ ചതിച്ചെന്ന് മുൻ കാമുകിയുടെ നടിയുമായ സോമി അലി. പ്രണയം അവസാനിപ്പിച്ചതോടെയാണ് ഇന്ത്യയും സിനിമയും താൻ വിട്ടതെന്നും താരം വ്യക്തമാക്കി. സൽമാൻ ഖാനുമായി വേർപിരിഞ്ഞ് 20 വർഷത്തിന് ശേഷമാണ് സോമി അലിയുടെ തുറന്നു പറച്ചിൽ.
''രണ്ട് പതീറ്റാണ്ടിലേറെയായി ആ പ്രണയം തകര്ന്നിട്ട്. കാരണം ലളിതമായിരുന്നു. സല്മാന് എന്നെ ചതിച്ചു. ഞാന് പ്രണയം അവസാനിപ്പിച്ചു. ഞാന് അമേരിക്കയിലേക്ക് തിരികെ പോന്നു. അതിന് ശേഷം അഞ്ച് വര്ഷത്തോളം സല്മാനോട് സംസാരിച്ചില്ല. പ്രണയം തകര്ന്നതിന് ശേഷം ഇന്ത്യയില് എന്നെ പിടിച്ചുനിര്ത്തുന്ന ഒന്നും തന്നെ ഉണ്ടായിരുന്നില്ല. സല്മാനോടുള്ള ആകര്ഷണം തലയ്ക്ക് പിടിച്ച കാലത്താണ് ഞാന് ബോളിവുഡില് ഭാഗ്യം പരീക്ഷിക്കുന്നത്. മുംബൈയിലെത്തി മോഡലിങും രണ്ട് സിനിമകളും ചെയ്തതിന് ശേഷം മാത്രമാണ് അദ്ദേഹത്തെ ഞാന് നേരിട്ട് കണ്ടത്. എല്ലാം അവസാനിപ്പിച്ച ശേഷം അമേരിക്കയില് തിരികെയെത്തി പഠനത്തില് ശ്രദ്ധ കേന്ദ്രീകരിച്ചു'' സോമി അലി പറഞ്ഞു.
ഒരു കാലത്ത് ബോളിവുഡിലെ ചൂടുപിടിച്ച ചര്ച്ചയായിരുന്നു നടന് സല്മാന് ഖാനും നടി സോമി അലിയും തമ്മിലുള്ള പ്രണയം. പാകിസ്താനില് ജനിച്ച സോമി അലി അമേരിക്കയിലാണ് വളര്ന്നതും പഠിച്ചതും. 1988 കാലഘട്ടത്തില് സോമി അലി മുംബൈയിലെത്തി. തുടർന്ന് മോഡലിങ്ങിലും ബോളിവുഡിലും സജീവമാവുകയായിരുന്നു. ആ കാലത്താണ് സൽമാൻ ഖാനുമായി പ്രണയത്തിലാവുന്നത്. അഞ്ച് വര്ഷങ്ങളോളം നീണ്ട പ്രണയം അവസാനിപ്പിച്ച് സോമി അലി അമേരിക്കയിലേക്ക് തിരിച്ചുപോയി. പിന്നീട് സിനിമയില് അഭിനയിച്ചില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ