സണ്ണി വെയിനെ നായകനാക്കി നവാഗതനായ പ്രിൻസ് ജോയ് സംവിധാനം ചെയ്ത അനുഗ്രഹീതൻ ആന്റണി മികച്ച അഭിപ്രായം നേടി മുന്നേറുകയാണ്. ഇപ്പോൾ ചിത്രത്തിന്റെ അണിയറ വിശേഷങ്ങൾ പങ്കുവെച്ചുകൊണ്ടുള്ള ഒരു വിഡിയോ ആണ് ഹിറ്റാവുന്നത്. ചിത്രത്തിൽ കുട്ടൻ എന്ന കഥാപാത്രത്തെ അവതരിപ്പിച്ച മെൽവിനാണ് വ്ളോഗായി മേക്കിങ് വിഡിയോ പകർത്തിയത്.
മെൽവിന്റെ അവതരണമാണ് വിഡിയോയെ രസകരമാക്കുന്നത്. ഒരു കുപ്പിയും കയ്യിൽ പിടിച്ച് ചിത്രത്തിന്റെ അണിയറ പ്രവർത്തകർക്ക് പിന്നാലെ നടക്കുകയാണ് മെൽവിൻ. അതിനൊപ്പം അനുഗ്രഹീതന്റെ പിന്നണിയിലുള്ളവരെ പരിചയപ്പെടുത്തുന്നുമുണ്ട്. പണിയെടുക്കുന്നവരെ ശല്യം ചെയ്യുക എന്നതാണ് തന്റെ ഉദ്ദേശമെന്നും മെൽവിൻ പറയുന്നത്. സണ്ണി വെയിൻ പാലത്തിന് മുകളിൽ നിന്നു ചാടുന്ന രംഗത്തോടെയാണ് വിഡിയോ അവസാനിക്കുന്നത്.
ചിത്രത്തിൽ ഗൗരികിഷനാണ് നായികയായി എത്തുന്നത്. കൂടാതെ ഇന്ദ്രൻസ്, ജാഫർ ഇടുക്കി, സിദ്ദീഖ്, മണികണ്ഠൻ, മെൽവിൻ തുടങ്ങിയവരും പ്രധാന വേഷങ്ങളിൽ എത്തുന്നുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ