മലയാളത്തിലെ യുവതാരങ്ങളെല്ലാം ഇപ്പോൾ ആരോഗ്യസംരക്ഷണത്തിൽ ശ്രദ്ധ കേന്ദ്രീകരിച്ചിരിക്കുകയാണ്. തന്റെ വൻ മേക്കോവറിൽ ആരാധകരെ ഞെട്ടിക്കുകയാണ് സുരഭി ലക്ഷ്മി. വർക്കൗട്ട് ഫോട്ടോഷൂട്ട് ചിത്രങ്ങളാണ് താരം പങ്കുവെച്ചത്. സ്റ്റൈലിഷ് ലുക്കിലാണ് താരം ചിത്രങ്ങളിൽ എത്തുന്നത്.
ജിമ്മിൽ വർക്കൗട്ട് ചെയ്യുന്ന ചിത്രങ്ങളാണ് താരം പങ്കുവെച്ചിരിക്കുന്നത്. 'മറ്റൊരാളേക്കാള്‍ മികച്ചതാവുക എന്നതല്ല ഫിറ്റ്‌നസ്. നിങ്ങള്‍ എങ്ങനെയായിരുന്നോ അതിനേക്കാള്‍ മെച്ചപ്പെടുക എന്നതാണ്'- എന്ന അടിക്കുറിപ്പിലാണ് സ്റ്റൈലിഷ് ചിത്രങ്ങള്‍ പങ്കുവെച്ചിരിക്കുന്നത്. ശരീരഭാരം കുറച്ച് വന്‍ സുന്ദരിയായിരിക്കുകയാണ് താരം. സോഷ്യൽ മീഡിയയിൽ ഹിറ്റാവുകയാണ് ചിത്രങ്ങൾ. രൂപേഷ് രഘുനാഥ് ആണ് താരത്തിന്റെ ട്രെയ്നർ.
ബൈ ദ പീപ്പിൾ എന്ന ചിത്രത്തിലൂടെയാണ് സുരഭി അഭിനയരംഗത്തേക്ക് എത്തുന്നത്. പിന്നീട് അറുപതോളം ചിത്രങ്ങളിൽ ശ്രദ്ധിക്കപ്പെട്ട വേഷങ്ങൾ കൈകാര്യം ചെയ്തു. മിന്നാമിനുങ്ങ് എന്ന ചിത്രത്തിലെ അഭിനയത്തിന് മികച്ച നടിക്കുള്ള ദേശീയ പുരസ്കാരം സുരഭി സ്വന്തമാക്കിയിരുന്നു. അനൂപ് മേനോൻ സംവിധാനം ചെയ്യുന്ന പദ്മ ആണ് സുരഭി ലക്ഷ്മിയുടെ റിലീസിന് തയാറെടുക്കുന്ന ഏറ്റവും പുതിയ ചിത്രം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
