സൂഫി സം​ഗീതത്തിൽ തുടങ്ങി 'കണ്ണിലെന്റെ കണ്ണെറിഞ്ഞ്' ​ഗാനം, പ്രണവിന്റേയും കല്യാണിയുടേയും പ്രണയ​ഗാനത്തിന്റെ ലിറിക് വിഡിയോ

കണ്ണിലെന്റെ കണ്ണെറിഞ്ഞ് കാണണംഎന്നു തുടങ്ങുന്ന ​ഗാനം വിനീത് ശ്രീനിവാസനും ശ്വേത മോഹനും സിയ ഉൽഹഖും ചേർന്നാണ് ആലപിച്ചിരിക്കുന്നത്
കണ്ണിലെന്റെ കണ്ണെറിഞ്ഞ് ​ഗാനത്തിൽ പ്രണവും കല്യാണിയും/ ഫേയ്സ്ബുക്ക്
കണ്ണിലെന്റെ കണ്ണെറിഞ്ഞ് ​ഗാനത്തിൽ പ്രണവും കല്യാണിയും/ ഫേയ്സ്ബുക്ക്

രാധകർ വളരെ പ്രതീക്ഷയോടെ കാത്തിരിക്കുന്ന ചിത്രമാണ് മോഹൻലാലും പ്രിയദർശനും ഒന്നിക്കുന്ന മരക്കാർ അറബിക്കടലിന്റെ സിംഹം. ഇപ്പോൾ ചിത്രത്തിന്റെ പ്രണയ ​ഗാനത്തിന്റെ ലിറിക് വിഡിയോ പുറത്തെത്തിയിരിക്കുകയാണ്. കണ്ണിലെന്റെ കണ്ണെറിഞ്ഞ് കാണണംഎന്നു തുടങ്ങുന്ന ​ഗാനം വിനീത് ശ്രീനിവാസനും ശ്വേത മോഹനും സിയ ഉൽഹഖും ചേർന്നാണ് ആലപിച്ചിരിക്കുന്നത്. പ്രണവ് മോഹൻലാലും കല്യാണി പ്രിയദർശനുമാണ് ​ഗാനത്തിൽ കാണുന്നത്. 

റോണി റാഫേലാണ് ചിത്രത്തിനായി സംഗീതം ഒരുക്കിയിരിക്കുന്നത്. ബിജെ ഹരിനാരായണന്റേതാണ് വരികൾ. സൂഫി സം​ഗീതത്തിലാണ് ​ഗാനം തുടങ്ങുന്നത്. ഷാഫി കൊല്ലമാണ് സൂഫി വരികൾ എഴുതിയത്. മലയാളത്തിന് പുറമെ, ഹിന്ദി, തമിഴ് ഭാഷകളിലും ​ഗാനമെത്തി. മറ്റു ഭാഷകളിൽ കാർത്തിക്കാണ് ​ഗാനം ആലപിച്ചിരിക്കുന്നത്. പ്രണവിന്റേയും കല്യാണിയുടേയും ഡാൻസും മനോഹരമായ പശ്ചാത്തലവുമാണ് ​ഗാനത്തിന്റെ ആകർഷണം.

നേരത്തെ കെ.എസ് ചിത്ര ആലപിച്ച കുഞ്ഞുകുഞ്ഞാലി ഗാനം പുറത്തുവിട്ടിരുന്നു. മലയാളത്തിലെ ഏറ്റവും ചിലവേറിയ ചിത്രമെന്ന ഖ്യാതിയോടെയാണ് മരക്കാരര്‍ റിലീസ് ചെയ്യുന്നത്. 100 കോടി രൂപയാണ് ബജറ്റ്. 51-മത് ദേശീയ പുരസ്‌കാരത്തില്‍ മികച്ച ചിത്രത്തിനുള്ള പുരസ്‌കാരം മരക്കാര്‍ നേടിയിരുന്നു. മഞ്ജു വാര്യര്‍, അര്‍ജ്ജുന്‍, സുനില്‍ ഷെട്ടി, പ്രഭു, സുഹാസിനി, കീര്‍ത്തി സുരേഷ് തുടങ്ങി വമ്പൻ താരനിര ചിത്രത്തൽ അണിനിരക്കുന്നുണ്ട്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com