രജീഷയുടെ 'ഖോ ഖോ' പ്രദർശനം നിർത്തി

By സമകാലിക മലയാളം ഡെസ്‌ക്‌  |   Published: 20th April 2021 12:06 PM  |  

Last Updated: 20th April 2021 12:06 PM  |   A+A-   |  

kho_kho stopped

ഖോ ഖോ സിനിമയിൽ രജീഷ/ ഫേയ്സ്ബുക്ക്

 

ജീഷ വിജയൻ പ്രധാന വേഷത്തിൽ എത്തിയ ഖോ ഖോയുടെ തിയറ്റർ പ്രദർശനം നിർത്തിവച്ചു. കൊവിഡ് പ്രോട്ടോകോൾ കണക്കിലെടുത്താണ് നിർമാതാക്കളുടെ തീരുമാനം. ഒടിടി, ടെലിവിഷൻ തുടങ്ങിയ സമാന്തര  മാധ്യമങ്ങളിലൂടെ ചിത്രം പ്രേക്ഷകരിലേക്ക് എത്തിക്കുമെന്നും നിർമ്മാതാക്കൾ അറിയിച്ചു. വിഷു റിലീസായി ഏപ്രിൽ 14നാണ് ചിത്രം തിയറ്ററിൽ എത്തിയത്. 

നേരത്തെ കൊവിഡ് രൂക്ഷമായ സാഹചര്യത്തിൽ ചിത്രത്തിന്റെ പ്രൊമോഷൻ പരിപാടികളും അണിയറപ്രവർത്തകർ നിർത്തിവെച്ചിരുന്നു. ഖോഖോ കളിയെ ആസ്പദമാക്കിയുള്ള സ്പോർട്സ് ഡ്രാമയാണ് ചിത്രം. ഇതിനോടകം മികച്ച അഭിപ്രായമാണ് ചിത്രത്തിന് ലഭിച്ചത്. 

കോവിഡ് വ്യാപനം രൂക്ഷമായതോടെ സെക്കന്റ് ഷോ നിർത്തി. 7 മണിയ്ക്ക് തീയേറ്ററുകൾ അsയ്ക്കണമെന്ന സർക്കാർ നിർദേശത്തിൽ അനുകൂല നിലപാടെടുത്ത് തിയേറ്റർ ഉടമകൾ. സർക്കാർ നിർദ്ദേശിച്ച സമയക്രമീകരണത്തോടെ തുറക്കണോയെന്ന് തീയേറ്റർ ഉടമകൾക്ക് തീരുമാനിക്കാം. പുതിയ ക്രമീകരണങ്ങളോടെ തുറക്കുന്നവർക്ക് അങ്ങനെയാകാം. അല്ലാത്തവർക്ക് അടച്ചിടാമെന്നും ഉടമകളുടെ കൊച്ചിയിലെ യോഗത്തിൽ തീരുമാനമായി.