കോവിഡ് മുക്തനായി നടൻ ടൊവിനോ തോമസ്. താരം തന്നെയാണ് സോഷ്യൽ മീഡിയയിലൂടെ നെഗറ്റീവായ വിവരം പങ്കുവെച്ചത്. തനിക്ക് ബുദ്ധിമുട്ടുകളൊന്നും ഇല്ലെന്നും താരം വ്യക്തമാക്കി. എന്നാൽ എല്ലാവരുടേയും കാര്യം അങ്ങനെയല്ലെന്നും അതിനാൽ ശ്രദ്ധിക്കണമെന്നും താരം നിർദേശിച്ചു.
അങ്ങനെ എന്റെ പരിശോധന ഫലം നെഗറ്റീവായി, എല്ലാ സ്നേഹത്തിനും പിന്തുണയ്ക്കും നന്ദി. ഇപ്പോൾ ഞാൻ സുഖമായി ഇരിക്കുന്നു, പക്ഷേ കോവിഡ് മുക്തനായതിന് ശേഷം പ്രശ്നങ്ങളൊന്നുമില്ലാതെ മുന്നോട്ടുപോകാൻ കഴിയുന്നതിൽ ഞാൻ ഭാഗ്യവാനാണ്. എന്നാൽ എല്ലാവരുടേയും കാര്യം അങ്ങനെയല്ല. അതിനാൽ ദയവായി എല്ലാവരും എക്സ്ട്രാ കെയർ എടുക്കുക, സുരക്ഷിതമായി ഇരിക്കൂ- ടൊവിനോ കുറിച്ചു.
ഏപ്രിൽ 15നാണ് ടൊവിനോ തോമസിന് കോവിഡ് സ്ഥിരീകരിക്കുന്നത്. രോഗലക്ഷണങ്ങളോ മറ്റു ആരോഗ്യപ്രശ്നങ്ങളൊ താരത്തിനുണ്ടായിരുന്നില്ല. പൃഥ്വിരാജ്, ഐശ്വര്യ ലക്ഷ്മി, അഹാന കൃഷ്ണ തുടങ്ങിയ നിരവധി പേർ ഇതിനോടകം കോവിഡ് ബാധിതരായി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ