തന്നെ ഇടിച്ച ആളുടെ പുറകെ അച്ഛന് ഓടിയ കഥ പറഞ്ഞ് ബോളിവുഡ് നടി ഫാത്തിമ സന ഷെയ്ഖ്. ഒരു ഇന്റര്വ്യൂവിന് ഇടയിലാണ് തന്റെ ശക്തമായ പിന്തുണയായ അച്ഛനെക്കുറിച്ച് താരം വാചാലയായത്. നോക്കിനില്ക്കുന്നത് ചോദ്യം ചെയ്തതാണ് അക്രമണത്തില് കലാശിച്ചത്. ഇത് അറിഞ്ഞെത്തിയ താരത്തിന്റെ അച്ഛന് അയാള്ക്ക് പിന്നാലെ ഓടുകയായിരുന്നു.
ജിമ്മില് നിന്ന് വീട്ടിലേക്ക് വരുന്നതുവഴിയാണ് സംഭവമുണ്ടായത്. ഒരാള് തന്നെ നോക്കിനില്ക്കുന്നത് ഫാത്തിമ ശ്രദ്ധിച്ചു. എന്തിനാണ് നോക്കുന്നതെന്ന് ചോദിച്ചപ്പോള് അത് തന്റെ ഇഷ്ടം എന്നായിരുന്നു അയാളുടെ മറുപടി. തുടര്ന്ന് ഇരുവരും തമ്മില് തര്ക്കമായി. അതിനിടെ ഇയാള് ഫാത്തിമയുടെ മുഖത്ത് സ്പര്ശിച്ചു. പ്രകോപിതയായ താരം അയാളെ അടിച്ചു. തിരിച്ച് അയാള് ഫാത്തിമയെ ഇടിച്ചു. അപ്പോഴാണ് അച്ഛനെ വിളിച്ച് കാര്യം പറയുന്നത്.
രണ്ടുമൂന്നു പേരെ കൂട്ടിയാണ് അച്ഛന് എത്തിയത്. ഇവരെ കണ്ടപ്പോള് അയാള് ഓടി. എന്റെ മകളെ തൊടുന്നോടാ എന്നു ചോദിച്ചും അച്ഛനും സഹോദരങ്ങളും പിന്നാലെയോടി. - ഫാത്തിമ സന ഷെയ്ഖ് പറഞ്ഞു. ദംഗലിലൂടെയാണ് ഫാത്തിമ ബോളിവുഡിലേക്ക് അരങ്ങേറ്റം കുറിക്കുന്നത്. നെറ്റ്ഫേളിക്സില് റിലീസ് ചെയ്ത അജീബ് ദാസ്താനാണ് താരത്തിന്റെ ഏറ്റവും പുതിയ ചിത്രം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ