ഹാക്ക് ചെയ്യപ്പെട്ട തന്റെ ഫേയ്സ്ബുക്ക് പേജ് തിരിച്ചെടുത്ത വിവരം അറിയിച്ച് നടനും തിരക്കഥാകൃത്തുമായ മുരളി ഗോപി. പേജിലെ പ്രൊഫൈല് ചിത്രം മാറ്റുകയും പോസ്റ്റുകള് പങ്കുവെക്കുകയും ചെയ്തതോടെയാണ് ഹാക്ക് ചെയ്യപ്പെട്ട വിവരം അറിയുന്നത്. പേജ് തിരിച്ചെടുക്കാൻ സഹായിച്ചവർക്ക് നന്ദി പറഞ്ഞുകൊണ്ടാണ് മുരളി ഗോപിയുടെ കുറിപ്പ്.
‘ഒരു ഭീകര ഹാക്കിങ്ങിന് ശേഷം വീണ്ടും എന്റെ എഫ്ബി പേജ് തിരിച്ചെത്തിയിരിക്കുകയാണ്. സംഭവം എന്നെ നേരത്തെ തന്നെ അറിയിച്ച എല്ലാവര്ക്കും നന്ദി. ഫേസ്ബുക്ക് പേജ് തിരിച്ച് കിട്ടുന്നതില് സഹായിച്ച എഫ്ബി ടീമിനും നന്ദി അറിയിക്കുന്നു’, മുരളി ഗേപി കുറിച്ചു.
ദൃശ്യം 2 ലെ പൊലീസ് വേഷത്തിന് മുരളി ഗോപിക്ക് മികച്ച അഭിപ്രായമാണ് ലഭിച്ചത്. പൃഥ്വിരാജിനൊപ്പമുള്ള കുരുതിയാണ് അടുത്ത ചിത്രം. കൂടാതെ പൃഥ്വിരാജ് സംവിധാനം ചെയ്യുന്ന എമ്പുരാനു വേണ്ടി തിരക്കഥയും എഴുതുന്നുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ