പൃഥ്വിരാജ് പ്രധാന വേഷത്തിലെത്തുന്ന കുരുതിയുടെ ട്രെയിലർ പുറത്ത്. ത്രില്ലർ സ്വഭാവത്തിലുള്ള ചിത്രത്തിന്റെ ട്രെയിലർ പ്രേക്ഷകരുടെ പ്രതീക്ഷയേറ്റുന്നതാണ്. മനു വാര്യർ സംവിധാനം ചെയ്യുന്ന ചിത്രം ആമസോൺ പ്രൈമിലൂടെ ഓണം റിലീസായാണ് ചിത്രം എത്തുക.
ഒടിടി റിലീസിനെത്തുന്ന പൃഥ്വിരാജിന്റെ രണ്ടാമത്തെ ചിത്രമാണ് കുരുതി. ഈ മാസം 11 നാണ് ചിത്രം റിലീസ് ചെയ്യുന്നത്. റോഷൻ മാത്യൂസ്, ഷൈൻ ടോം ചാക്കോ, മണികണ്ഠൻ രാജൻ, മുരളി ഗോപി, മാമുക്കോയ, സാഗർ സൂര്യ, ശ്രിന്ദ തുടങ്ങിയവരാണ് പ്രധാന വേഷത്തിലെത്തുന്നത്.
മെയ് 13ന് തിയേറ്ററിൽ റിലീസ് ചെയ്യാനിരിക്കുകയായിരുന്നു ചിത്രം. എന്നാൽ കോവിഡ് സാഹചര്യത്തെ തുടർന്നാണ് റിലീസ് തിയറ്ററിലേക്ക് മാറ്റിയത്. അനീഷ് പള്ളയൽ തിരക്കഥയൊരുക്കിയിരിക്കുന്ന ചിത്രം നിർമിക്കുന്നത് പൃഥ്വിരാജ് പ്രൊഡക്ഷൻസിന്റെ ബാനറിൽ സുപ്രിയ മേനോനാണ്. സംഗീതവും പശ്ചാത്തലസംഗീതവും നിർവഹിക്കുന്നത് ജേക്ക്സ് ബിജോയ്. അഭിനന്ദൻ രാമാനുജമാണ് കാമറ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
